Yohanes 5:39 - Porjanjian Boharu Torjomahan Baso Dilakng Soari-ari

³⁹ Kaitn bolajar Buku Suci obai kaitn monyangko obai ado hidup somanah-manahnyo di dalapmnyo. Apo Buku Suci nantai momadahan mongona'i Aku.

Yohanes 5:39 ပူးပေါင်းရင်းမြစ်များ

Matius 22:29

Timbas Yesus ko sia', “Kaitn kotakan salah obai kaitn co mongoroti Buku Suci huatan kuaso Allah!

Markus 10:3

Apo Sio monimbas sia', “Porintah lapo inyo dionju' Musa ko kaitn dalapm Hukupm Torat nantai?”

Markus 12:10

Pasti kaitn kalo mombaco di Buku Suci mongona'i ni'in: ‘Batu inyo ditula' boko tukakng bangunan udah monjadi batu inyo kotakng pontikng pakai' bangunannyo.

Lukas 16:29

Apo Abrahapm bopandir ko urakng dampu nantai, ‘Boko somadikan kolai udah mondingaꞌ isi boko buku inyo ditulis Musa huatan boko nabi bukai. Sia' gola' borotian huatan monuruti somuo inyo totulis di boko buku nantai.’

Lukas 16:31

Apo Abrahapm bopandir, ‘Aman boko buku Musa huatan boko nabi kinyo cukup pakai' bulah sia' tongga' bulah dosa huatan hidup monyonangan hati Allah, pasti sia' pan paca'an kinyo pocayo biar pan siku' urakng hidup agi' doi' komatian.’ ”

Lukas 24:25

Lalu Yesus bopandir ko sia' duo, “Oh, kaitn kotakng manah hoyu' mongoroti. Hati kaitn kotakng manah hoyu' pocayo somuo inyo udah dipandiran boko nabi komai mongonaꞌi Rajo Inyo Dijanjian Allah!

Lukas 24:27

Lalu Yesus monjolasan ko sia' somuo inyo totulis mongonaꞌi Sio dalapm soluruh Buku Suci, mula'i doi' boko buku inyo ditulis Musa sampai somuo buku inyo ditulis boko nabi bukainyo.

Lukas 24:44

Lopas nantai Sio bopandir ko sia', “Watu Aku ija' sosamo agatn kaitn komai, Aku udah momadahan ko kaitn obai somuo inyo totulis mongonaꞌi Aku gola' tojadi, doi' inyo totulis dalapm boko buku Musa, buku boko Nabi, sampai buku Mazmur.”

Yohanes 1:45

Filipus botomu agatn Natanael. Katonyo ko io, “Koi udah monomuan Sio inyo doi' joman komai udah Musa sobut di dalapm Buku Torat, Sio inyo udah boko nabi sobut'an dalapm boko buku sia' jam. Ia'an, Yesus ana' Yusuf. Sio doi' laman Nazaret.”

Yohanes 5:32

Apo ado inyo bukai inyo momadahan mongona'i Aku. Aku tohu obai pomandiran-Nyo bondar.

Yohanes 5:36

Apo Aku ado buti inyo lobih kuat daripado pomandiran Yohanes. Allah Bopai udah moonji'i pokoroja'an ko aku. Aku molabuhan boko pokoroja'an nantai watu ni'in. Somuo porbuatan-Ku nantai mombutian obai Bopai udah moutus Aku.

Yohanes 5:40

Biar pan ubo nian, kaitn co honda' datakng ko Aku pakai' mondapat'an hidup nantai.

Yohanes 5:46

Obai, sobondarnyo kaitn co pocayo agatn io. Soandainyo kaitn bobondar pocayo ko Musa, lalu soharusnyo kaitn pan pocayo agatn Aku. Obai, io udah monulis mongona'i Aku.

Yohanes 7:52

Timbas sia', “Kata'an kolai ni'in doi' Galilea jam? Poriso'icam Buku Suci. Kolai paca'an tohu obai conyiant nabi inyo datakng doi' doerah Galilea!”

Kisah Boko Rasul 13:27

Joman komai, boko nabi udah monulis mongona'i Rajo Inyo Dijanjian Allah. Watu ni'in, sotiap Ari Sabat, boko buku nabi nantai dibacoan di boko rumah sombayakng. Apo boko urakng Yerusalem kinyo mongoroti pomandiran boko nabi nantai. Sia' kinyo mongotohu'i Yesus nantai Rajo Inyo Dijanjian Allah. Boko pomimpitn agama sia' pan kinyo tohu. Sia' molawatn Yesus. Sia' samo sokali conyiant alasan pakai' mohukupm Yesus. Apo sia' totap monyosahan Gubernur Pilatus oca' Yesus dihukupm mati. Somuo porbuatan sia' nantai bulah pomandiran boko nabi doi' joman komai monjadi bondar-bondar tojadi.

Kisah Boko Rasul 17:11

Boko urakng Yahudi di Berea bobeda doi' boko urakng Yahudi di Tesalonika. Boko urakng Yahudi di Berea nantai lobih mudah monorima' ajaran Paulus ongko Silas. Sia' sobobondarnyo honda' tohu ajaran mongona'i Yesus nantai memang bondar kata'an cado. Jadi, sotiap ari sia' monyolidiki Buku Suci.

Kisah Boko Rasul 26:27

Ongko Paulus botakutn ko rajo Agripa, “Apobai duatn pocayo mongona'i la'apo inyo ditulis boko nabi? Aku yakitn duatn pocayo nantai!”

Roma 1:2

Timpu joman komai, Allah udah bojanji mongona'i Kabar Boi' nantai molalu'i boko nabi-Nyo ongko udah totulis di dalapm Buku Suci.

Roma 3:2

Memang urakng Yahudi ado banya' untukng dalapm somuo hal. Inyo kotakng pontikng obai pomandiran Allah dipocayoan ko urakng Yahudi.

Kolose 3:16

Kohonda'nyo ajaran Kristus somombondarannyo mansu' ko dalapm hati kaitn huatan monguaso'i caro hidup kaitn siku'-monyiku'. Kaitn gola' samo mongajar, samo moingant'an agatn somuo kopintar-corodi'an. Nyanyiancam mazmur, puji-pujian, nyanyian mongona'i Allah. Bonyanyicam agatn bosukur ko Allah dalapm hati kaitn.

Ibrani 11:16

Apo sobondarnyo, sia' togonangan nogori inyo lobih boi', ia'an nantai sorugo. Obai nantai, Allah kinyo malu disobut Allah sia' obai Sio udah monyiap'an sobuah kota pakai' sia'.

Ibrani 11:35

Boko botina' bobali' monorima' urakng doi' koluarga sia' inyo udah mati obai sia' bobali' hidup. Apo ado jam boko urakng inyo rela didorako'i sampai mati. Aman sia' botongga' pocayo, sia' ulih dibebasan. Apo sia' totap pocayo oca' lopas sia' dihukupm mati, sia' tajahan hidup agi' lalu mondapat'an hidup inyo lobih boi' di sorugo.

Wahyu 19:10

Aku lansukng tokorobah tokosungkapm di pohadapan kaki io pakai' monyombah io. Apo io bopandir ko aku, “Jangan monyombah aku! Aku bayo hulutn inyo molayati Allah, samo sama'an kolai huatan boko somadikan kolai, ia'an boko urakng inyo pocayo ko somuo inyo Yesus ajaran. Sombah Allah aja'am. Obai somuo inyo Yesus ajaran nianam pomandiran doi' Roh Allah.”