Yohanes 5:37 - Porjanjian Boharu Torjomahan Baso Dilakng Soari-ari

³⁷ Bopai inyo moutus Aku, Sio siku' udah momadahan mongona'i Aku. Apo kaitn co kalo mondinga' saro-Nyo huatan co kalo moniant rupo-Nyo.

Yohanes 5:37 ပူးပေါင်းရင်းမြစ်များ

Yohanes 8:18

Ado duo sasi inyo bosasi mongona'i diri-Ku, ia'an Aku huatan Bopai inyo moutus Aku.”

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Timotius 6:16

Ongkah Sioam inyo co paca'an mati agi'. Sio nontapm dalapm cohayo inyo torakng. Cohayo nantai kotakan torakng sampai urakng co ulih mohampiki-Nyo. Co nyiant monsio di dunia ni'in inyo kalo moniant Sio. Monsio di dunia co mampu moniant Sio. Sio bokuaso huatan cucu' dihormati pakai' somanah-manahnyo! Amin.

Matius 3:17

Lalu todinga' saro Allah doi' sorugo mongatoan, “Ninam Ana'-Ku inyo Ku kasihi. Io monyonangan hati-Ku.”

1 Yohanes 4:20

Aman ado urakng inyo bopandir, “Aku mongasihi Allah,” apo urakng nantai bonci'an somadikannyo, jadi urakng nantai bulah kotumbukan. Obai, urakng inyo co mongasihi somadikannyo inyo kotiat'an, co mungkitn io ulih mongasihi Allah inyo kinyo kotiat'an.

1 Yohanes 4:12

Conyiant ado siku' urakng pan inyo kalo moniant Allah. Apo, aman kito hala mongasihi, jadi Allah bosatu agatn kito, huatan kito bondar-bondar ado kasih Allah dalapm hati kito.

Yohanes 14:9

Timbas Yesus ko io, “Filipus, Aku udah cukup manah bosamo kaitn. Hibo sampai watu ni'in kolai bolupm mongonal Aku? Urakng inyo udah moniant Aku, rotinyo udah moniant Bopai jam. Jadi, hibo kolai bopandir sama'an nantai, ‘Pulah oca' koi ulih moniant Bopai agatn mato koi sikuꞌ’?

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Matius 17:5

Pontongahan io bopandir nantai, sopongirap ado awatn inyo torakng turutn monungkau'i sia' somuo. Allah bopandir doi' awatn nantai, “Ni'innam Ana'-Ku inyo Ku kasihi. Io monyonangan hati-Ku. Pondinga'ancam pomandiran-Nyo!”

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Markus 1:11

Lalu kodinga'an saro Allah doi' sorugo momadahan, “Kolainam Ana'-Ku inyo Ku kasihi. Kolainam monyonangan hati-Ku.”

Lukas 3:22

huatan Roh Allah turutn kopucu'-Nyo monyorupo'i burukng daro. Ongko kodinga'an saro Allah doi' sorugo momandiran, “Kolai nam Ana'-Ku inyo Ku kasihi. Kolai monyonangan hati-Ku.”

Lukas 24:27

Lalu Yesus monjolasan ko sia' somuo inyo totulis mongonaꞌi Sio dalapm soluruh Buku Suci, mula'i doi' boko buku inyo ditulis Musa sampai somuo buku inyo ditulis boko nabi bukainyo.

Yohanes 5:32

Apo ado inyo bukai inyo momadahan mongona'i Aku. Aku tohu obai pomandiran-Nyo bondar.

1 Yohanes 5:9

Kito pocayo agatn kosasian monsio. Apo kosasian Allah lobih kuat agi'. Huatan Allah udah bosasi mongona'i Ana'-Nyo siku'.