Yohanes 5:36 - Porjanjian Boharu Torjomahan Baso Dilakng Soari-ari

³⁶ Apo Aku ado buti inyo lobih kuat daripado pomandiran Yohanes. Allah Bopai udah moonji'i pokoroja'an ko aku. Aku molabuhan boko pokoroja'an nantai watu ni'in. Somuo porbuatan-Ku nantai mombutian obai Bopai udah moutus Aku.

Yohanes 5:36 ပူးပေါင်းရင်းမြစ်များ

Matius 11:4

Yesus monimbas sia', “Bobali' kaitn ko Yohanes. Padahan ko io mongona'i somuo inyo udah kaitn tiat huatan dinga'.

Lukas 2:49

Timbas Yesus ko sia', “Kaitn duo jangan kuatir monggoyapi Aku, obai sobondarnyo kaitn udah tohu Aku gola' ado di dalapm Rumah Bopai-Ku ni'in!”

Yohanes 10:25

Timbas Yesus ko sia', “Aku udah momadahannyo ko kaitn, apo kaitn co pocayo. Aku molabuhan boko pokoroja'an dalapm damo Bopai-Ku. Boko pokoroja'an nantai mombutian mongona'i Aku.

Yohanes 11:37

Apo boboropo urakng di antaronyo bopandir, “Sio bulah urakng buto moniant. Mapo Sio co sanggup bulah la'apo pan oca' Lazarus kinyo mati?”

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Yohanes 17:4

Aku udah monjadi'i pogota'an di dunia ni'in inyo Duatn onju' ko aku. Agatn caro nantai, Aku momuliaan Duatn.

Yohanes 2:23

Somanah Pogai Paskah nantai dirayoan, Yesus ada'an di Yerusalem. Sio mombulah boko mujisat sobagai tando inyo monunju'an sopo Sio sobondarnyo. Jadi, banya' urakng pocayo ko Sio obai sia' moniant boko mujisat-Nyo nantai.

Yohanes 3:17

Obai, Allah moutus Ana'-Nyo ko dunia ni'in pakai' monyolamant'an boko urakng, bukainyo pakai' mohukupm boko urakng.

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 4:34

Kato Yesus ko sia', “Makatan-Ku ia'an: molabuhan kohonda' Allah Bopai inyo moutus Aku, ia'an monjadi'i somuo pokoroja'an inyo Sio onju' ko Aku.

Yohanes 5:32

Apo ado inyo bukai inyo momadahan mongona'i Aku. Aku tohu obai pomandiran-Nyo bondar.

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

1 Yohanes 5:9

Kito pocayo agatn kosasian monsio. Apo kosasian Allah lobih kuat agi'. Huatan Allah udah bosasi mongona'i Ana'-Nyo siku'.