Yohanes 5:35 - Porjanjian Boharu Torjomahan Baso Dilakng Soari-ari

³⁵ Yohanes samo sama'an pompolitoan inyo bonyalo huatan bocohayo. Kaitn sonang monorima' cohayonyo nantai apo bayo somontaro mo.

Yohanes 5:35 ပူးပေါင်းရင်းမြစ်များ

Matius 11:11

Jadi poniant'an, obai Yohanes nantai pontikng daripado somuo urakng bukai di dunia ni'in sampai watu ni'in. Apo somuo anggota koluarga Koraja'an Sorugo, tomansu' inyo palikng kinyo pontikng, somuo sia' lobih pontikng daripado Yohanes nantai.

Matius 21:26

Apo aman kito bopandir, ‘Bayo monsio inyo’ moonji'i kuaso nantai ko io kito gola' agatn urakng banya' ni'in, obai sia' pocayo Yohanes ia'an nabi inyo dionji'i kuaso doi' Allah.”

Markus 1:5

Jadi, banya' urakng doi' kota Yerusalem ongko doi' soluruh propinsi Yudea datakng. Sia' mongaku'i dosa sia' lalu io mombaptis sia' di sungai Yordan.

Markus 6:20

obai Herodes molinduki Yohanes. Obai Herodes gola' agatn Yohanes obai io tohu Yohanes nam urakng inyo husus dipakai Allah ongko hidup bondar di hadapan Allah. Sotiap kali Herodes mondinga' Yohanes, hatinyo hala golisah, apo io mooso sonang mondinga'an io.

Lukas 7:28

Jadi poniant'an, di dunia ni'in conyiant siku' pan inyo lobih pontikng daripado Yohanes. Apo, urakng inyo palikng babah kodudu'annyo dalapm koraja'an Allah lobih pontikng daripado Yohanes.”

Yohanes 6:66

Lopas nantai, banya' murid-Nyo moninggalan Sio. Sia' co honda' tuyut Sio agi'.

2 Petrus 1:19

Obai nantai, koi monjadi lobih yakitn agi' obai pomandiran boko nabi mongona'i Kristus bondar. Soboi'nyo kaitn pan gola' mondinga'an pomandiran boko nabi. Pomandiran nantai paca'an mombimbikng kaitn ko jalatn inyo bondar samo sama'an cohayo pompolitoan di tompat inyo potakng, sampai matoari moncara' ongko bintakng timur, ia'an Kristus, bosinar dalapm hati kaitn.