Yohanes 5:34 - Porjanjian Boharu Torjomahan Baso Dilakng Soari-ari

³⁴ (Sobondarnyo Aku co momontikan monsio pakai' bosasi mongona'i Aku. Apo Aku moingant'an kaitn mongona'i kosasian Yohanes oca' kaitn dapat disolamant'an.)

Yohanes 5:34 ပူးပေါင်းရင်းမြစ်များ

Lukas 13:34

Lalu Yesus bopandir kotakan salu', “Ihai, boko urakng Yerusalem. Allah moutus boko nabi ko kaitn, apo kaitn monikapi sia' agatn batu sampai mati. Aku honda' hala molinduki kaitn, samo sama'an indai manu' inyo molinduki boko ana'nyo di babah sayapnyo. Apo, kaitn monula'.

Lukas 19:10

Ana' Monsio datakng pakai' monggoyapi ongko monyolamant'an urakng inyo bodosa.”

Lukas 24:47

Lalu agatn kuaso-Nyo tajahan diboritoan kabar obai urakng gola' tongga' bulah dosa lalu monyonangan hati Allah, ongko dosa sia' tajahan diamputi. Borito ni'in gola' disampaian, mula'i doi' kota Yerusalem lalu ko somuo banso bukai di dunia.

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 5:32

Apo ado inyo bukai inyo momadahan mongona'i Aku. Aku tohu obai pomandiran-Nyo bondar.

Yohanes 5:41

Aku co bogoyap pujian doi' monsio.

Yohanes 8:54

Timbas Yesus, “Soandainyo Aku goyap hormat pakai' diri-Ku siku', jadi hormat nantai conyiant ado rotinyo. Inyo mohormati Ku nianam Bopai-Ku, ia'an Sio inyo kaitn sobut sobagai Allah kaitn nan.

Roma 10:1

Boko somadikan, hatiku morinduan oca' bansoku urakng Yahudi disolamant'an. Nianam doaku ko Allah.

Roma 10:21

Apo mongona'i banso Israel, nabi Yesaya momadahan pomandiran Allah ni'in: “Siakng-malapm Aku udah mombaba' banso nantai pakai' bobali' monyonangan hati-Ku. Apo sia' co taat ongko ongkah molawatn Aku am.”

Roma 12:21

Aman kaitn bulah kojahatan obai urakng bukai bulah kojahatan ko kaitn, rotinyo kuaso jahat mongalahan kaitn. Jangan ubo nian, boko somadikan! Kaitn gola' mongalahan kuaso jahat agatn koboi'an.

Roma 3:3

Apo sama'an apo aman ado urakng Yahudi inyo kinyo sotia ko Allah? Apobai nantai paca'an mombulah Allah kinyo sotia monopat'i boko janji-Nyo ko sia'?

1 Korintus 9:22

Aman aku bosamo agatn boko urakng inyo lomah, aku hidup samo sama'an urakng inyo lomah. Aku molabuhan nantai oca' monulukng sia' pakai' pocayo ko Yesus lobih kuat. Pokoknyo, aku monyosuaian diri agatn caro hidup somuo urakng inyo aku layati. Aku molabuhan nantai oca' ado boboropo urakng di antaro sia' inyo disolamant'an.

1 Timotius 4:16

Jagocam diri kolai oca' kolai hidup agatn caro inyo boi' huatan oca' kolai mongajar boko ajaran inyo bondar. Totap labuhan somuonyo nantai agatn sotia. Agatn caro nantai, Allah paca'an monyolamant'an kolai huatan monyolamant'an boko urakng inyo mondinga'an ajaran kolai.

1 Yohanes 5:9

Kito pocayo agatn kosasian monsio. Apo kosasian Allah lobih kuat agi'. Huatan Allah udah bosasi mongona'i Ana'-Nyo siku'.