Yohanes 5:26 - Porjanjian Boharu Torjomahan Baso Dilakng Soari-ari

²⁶ Obai, Bopai moonji'i kuaso ko Ana' pakai' moonji'i hidup, samo sama'an Sio ado kuaso pakai' moonji'i hidup.

Yohanes 5:26 ပူးပေါင်းရင်းမြစ်များ

Yohanes 1:4

Sio nam sumber kohidupan. Kohidupan inyo Sio onju' nantai am Torakng pakai' monsio.

Yohanes 10:18

Conyiant siku' urakng pan inyo ulih mombunuhKu. Apo Aku monyorahan hidup-Ku monurut kohonda'-Ku siku'. Aku ado kuaso pakai' moijitan urakng mombunuh-Ku. Aku pan ado kuaso pakai' hidup agi'. Nianam porintah inyo Aku torima' doi' Bopai-Ku.”

Yohanes 11:25

Kato Yesus ko io, “Aku ninam inyo mombulah urakng bobali' hidup doi' komatian. Aku jam moonji'i urakng hidup inyo sobondarnyo. Sotiap urakng inyo pocayo ko aku, biar pan io mati, io totap paca'an hidup.

Yohanes 11:26

Sotiap urakng inyo hidup huatan pocayo agatn Aku, io kinyo mati somanah-manahnyo. Marta, kolai pocayo agatn hal nian?”

Yohanes 14:19

Co manah agi', boko urakng di dunia kinyo paca'an moniant Aku agi'. Apo kaitn paca'an moniant Aku. Obai Aku hidup, rotinyo kaitn paca'an hidup jam.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Yohanes 6:57

Allah Bopai inyo hidup moutus Aku. Aku hidup doi' Sio. Samo sama'an nantai jam, urakng inyo bopua' isi-Ku, io paca'an hidup doi' Aku.

Yohanes 8:51

Porotian boboi' cam inyo Ku pandiran ni'in: Somuo urakng inyo monuruti pomandiran-Ku, sia' co paca'an mati somanah-manahnyo.”

Kisah Boko Rasul 17:25

Sio kinyo kokurakan la'apo pan. Jadi, Sio kinyo minto potulukan monsio. Malah sobali'nyo. Sio nam inyo moonji'i hidup, kosih, ongko somuo hal ko somuo monsio.

1 Korintus 15:45

Sama'an inyo totulis di dalapm Buku Suci, “Allah bulah monsio potamo, ia'an Adapm. Adapm monjadi hidup.” Adapm nantai disobut Adapm potamo. Apo Kristus disobut Adapm toahir. Sio nantai Roh inyo bokuaso moonji'i hidup inyo somombondarannyo.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.

1 Timotius 6:16

Ongkah Sioam inyo co paca'an mati agi'. Sio nontapm dalapm cohayo inyo torakng. Cohayo nantai kotakan torakng sampai urakng co ulih mohampiki-Nyo. Co nyiant monsio di dunia ni'in inyo kalo moniant Sio. Monsio di dunia co mampu moniant Sio. Sio bokuaso huatan cucu' dihormati pakai' somanah-manahnyo! Amin.

Ibrani 1:2

Apo, watu ari-ari toahir ni'in Allah bopandir ko kito molalu'i Ana'-Nyo. Allah udah monotap'an Ana'-Nyo inyo bohak momuku'i somuo hal. Molalu'i Sio, Allah mombulah sogolintaran alapm.

Wahyu 21:6

Sio pan bopandir ko aku, “Somuonyo udah jadiam! Aku ninam Alpa ongko Omega, inyo Potamo huatan inyo Toahir. Somuo urakng inyo korahakan, Aku paca'an moonji'i modas ko sia' minum doi' mato ara'i inyo moonji'i kohidupan.

Wahyu 22:1

Lalu, molekat nantai monunju'an ko aku sungai inyo ara'inyo moonji'i kohidupan. Sungai nantai joronih bondar tontu sama'an kristal, huatan mongalir doi' tahta Allah ongko doi' Ana' Domba nantai.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”