Yohanes 5:2 - Porjanjian Boharu Torjomahan Baso Dilakng Soari-ari

² Di Yerusalem ado sobuah pintu gerbakng mansu' kota, damonyo Pintu Gerbakng Domba. Dampikng di siatn tai ado sobuah kolapm. Dalapm baso Ibrani kolapm nantai disobut ‘Betesda’. Kolapm nantai ado lima' polantaran.

Yohanes 5:2 ပူးပေါင်းရင်းမြစ်များ

Yohanes 19:13

Pas Pilatus mondinga' pandir nantai, io monyiuh oca' Yesus dibaba' ko luar. Pilatus dudu' di krosi tompat io moadili pokaro inyo tolota' di tompat inyo bodamoan ‘Lantai Batu’. (Damo tompat nantai dalapm baso Ibrani Gabata.)

Yohanes 19:17

Yesus siku' mo momikul kayu salib-Nyo ko tompat inyo disobut “Tompat Tongkorak”. (Dalapm baso Ibrani tompat nantai disobut “Golgota”.)

Yohanes 19:20

Banya' urakng Yahudi inyo mombaco tulisan nantai obai tompat Yesus disaliban dampikng kota mo. Solaitn nantai, pomandiran nantai ditulis dalapm baso Ibrani, baso Latin ongko baso Yunani.

Yohanes 20:16

Lalu, kato Yesus ko io, “Maria!” Maria mongilikng, lalu sadar nantai Yesus. Katonyo, “Rabuni!” (Dalapm baso Ibrani rotinyo “Guru”.)

Yohanes 5:3

Banya' urakng sakit diulit'an di boko polantaran nantai: Ado boko urakng buto, boko urakng timpakng, boko urakng lumpuh. [Boko urakng sakit nantai monantian sampai ara'i di kolapm nantai bogolumbakng.

Yohanes 7:21

Yesus monimbas sia', “Aku bayo molabuhan sobuti' porbuatan watu ari Sabat, lalu somuo kaitn hiratn.

Kisah Boko Rasul 21:40

Ongko, kopala' pasukan moijitan Paulus. Paulus bodiritn di pucu' tanggo ongko moonji'i kode agatn jarinyo ko urakng banya' nantai oca' sia' langunt. Pas sia' langunt, io bopandir ko sia' dalapm baso urakng Yahudi, ia'an baso Ibrani.

Wahyu 9:11

Rajo inyo momorintah sia' ia'an molekat Jurakng Maut. Damonyo dalapm baso Ibrani ia'an ‘Abadon’, dalapm baso Yunani ia'an ‘Apolion’. Rotinyo ‘urakng inyo mombonasoan.’