Yohanes 5:17 - Porjanjian Boharu Torjomahan Baso Dilakng Soari-ari

¹⁷ Apo Sio bopandir agatn sia', “Sampai watu ni'in, Bopai-Ku kinyo botongga' bokorojo. Sama'an nian jam, Aku pan bokorojo jam.”

Yohanes 5:17 ပူးပေါင်းရင်းမြစ်များ

Matius 10:29

Duo iku' burukng pipit dijual kotakng mudah. Apo co nyiant siku' pan mati kocuali nantai sosuai agatn kohonda' Allah Bopai kaitn.

Yohanes 10:36

hibo kaitn mongatoan Aku mohayam Allah aman Aku mongatoan Aku ninam Ana' Allah? Obai, Allah Bopai-Ku momilih Aku huatan moutus Aku ko dunia.

Yohanes 14:10

Kata'an kolai kinyo pocayo aman Aku bosatu agatn Bopai, huatan Bopai bosatu agatn Aku? Pomandiran-Ku kinyo boasal doi' diri-Ku siku', apo doi' Bopai inyo bosatu agatn Aku. Sionam inyo mongorojoan somuonyo nantai.

Yohanes 5:16

Jadi, boko pomimpitn agama Yahudi nantai bousaha honda' mondorako'i Yesus. Obai, Sio molabuhan boko hal ubo nantai watu ari Sabat.

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Yohanes 9:4

Somanah ari ija' siakng, kito gola' mongorojoan boko pokoroja'an Sio inyo moutus Aku. Pas ari malapm, conyiant ado siku' urakng pan inyo ulih bokorojo.

Kisah Boko Rasul 14:17

Apo sobondarnyo, Allah inyo moonji'i kaitn hujatn doi' langit. Allah inyo moonji'i pongulihan doi' boko tontanaman oca' kaitn ado pomakatn inyo cukup. Allah inyo bulah hati kaitn sonang. Allah moonji'i somuo koboi'an nantai ko kaitn oca' kaitn mongotohu'i obai Sio memang ado.”

Kisah Boko Rasul 17:28

Obai Sio inyo moonji'i hidup ko kito, bulah kito mampu bogora' huatan moijitan kito ado di bumi. Samo sama'an ponulis puisi urakng kaitn inyo mangatoan, ‘Kito somuo ni'in boko koturutan-Nyo.’

1 Korintus 12:6

Ado bomacapm mujisat. Apo bayo ado siku' Allah inyo mongorojoan somuonyo dalapm somuo urakng.

Kolose 1:16

Obai, somuo hal dipulah dalapm Sio, Ia'an somuo hal di sorugo huatan di bumi, somuo hal inyo kotiat'an agatn kinyo kotiat'an, tomansu' somuo kuaso, koraja'an, pomorintah. Somuo hal dipulah molalu'i Sio huatan pakai' Sio.

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

Ibrani 1:3

Sio momancaran komulia'an Allah. Sio nam gambar inyo nyata doi' diri Allah siku'. Somuo hal totap botahatn doi' pomandiran-Nyo inyo bokuaso. Lopas Sio mati oca' monsio ulih diborosihi doi' boko dosa, lalu Sio noi' ko sorugo ongko dudu' di tompat inyo tohormat di sopia' kanan Allah inyo kotakng bokuaso.