Yohanes 5:15 - Porjanjian Boharu Torjomahan Baso Dilakng Soari-ari

¹⁵ Urakng nantai borangkat ko boko pomimpitn agama Yahudi nantai, lalu momadahannyo ko sia' obai urakng inyo monyamaninyo ni'in Yesus.

Yohanes 5:15 ပူးပေါင်းရင်းမြစ်များ

Markus 1:45

Apo, urakng nantai botula' kinyo botongga' momboritoan kojadian nantai di mono-mono. Obai nantai, Yesus culih mansu' ko dalapm kota agi' socaro torakng-torakan. Sio gola' diapm di luar di tompat inyo langunt. Apo, urakng torus bodatakan ko Sio doi' mono-mono.

Yohanes 1:19

Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.

Yohanes 4:29

“Mara tiat bo! Ado urakng inyo mongatoan ko aku boko lapopan inyo kalo ku labuhan. Mungkitn kironyo Sio nantai Kristus, Rajo Inyo Dijanjian Allah?”

Yohanes 5:10

Obai nianam, boko pomimpitn agama Yahudi bopandir ko urakng inyo hoyu' nyamanam nantai. Kato sia', “Sari ni'in ari Sabat. Jadi kolai culih mombaba' tikar kolai.”

Yohanes 5:12

Sia' botakutn ko io, “Sopo inyo monyiuh kolai pakai' moangkat tikar kolai ongko bojalatn?”

Yohanes 5:16

Jadi, boko pomimpitn agama Yahudi nantai bousaha honda' mondorako'i Yesus. Obai, Sio molabuhan boko hal ubo nantai watu ari Sabat.

Yohanes 5:18

Obai pomandiran Yesus nantai, lalu boko pomimpitn agama Yahudi mongkitn bousaha pakai' mombunuh-Nyo. Bukainyo aja' obai Sio molanggar poraturan ari Sabat, apo obai Sio momandiran obai Allah nantai Bopai-Nyo. Agatn ubo nian, Sio monyamoan diri-Nyo agatn Allah.

Yohanes 9:15

Obai nantai, kolompok Farisi pan botakutn ko io ubo apo caronyo io ulih moniant. Timbas io, “Urakng nantai momalitan luta' ko matoku. Lopas jadi nantai, aku monapusimato-muhoku, lalu aku ulih moniant.”

Yohanes 9:25

Katonyo, “Aku cuku tohu aman Sio nam urakng bodosa damo cado. Apo ado sobuti' hal inyo ku kotohu'i; tontainyo aku buto, ni'in aku udah moniant!”

Yohanes 9:30

Kato urakng inyo tontainyo buto nantai, “Aneh bondar ni'in! Kaitn co tohu doi' mono tompat asal-Nyo, sodakan io udah mombulah aku ulih moniant.

Yohanes 9:34

Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.