Yohanes 4:6 - Porjanjian Boharu Torjomahan Baso Dilakng Soari-ari

⁶ Sumur inyo kalo umputn Yakub ado di siatn. Di pojalatan Yesus kotakan kohora'an, jadi Sio dudu' di sisi sumur nantai. Kiro-kiro japm duo bolas tongah ari.

Yohanes 4:6 ပူးပေါင်းရင်းမြစ်များ

Ibrani 4:15

Imam Agukng kito jumpat jam moosoan boko kolomahan kito. Obai, timpu Sio ado di dunia ni'in, Sio mohadapi poncoba'an samo sama'an kito. Apo Sio kinyo bulah dosa sama'an kito.

Ibrani 2:17

Nantaiam alasannyo, Yesus gola' monjadi monsio dalapm somuo hal, samo sama'an kito boko somadikan-Nyo. Agatn sama'an nantai, Sio monjadi Imam Agukng inyo monunju'an bolas kasihan ongko hala sotia ko Allah oca' dosa monsio ulih diamputi.

Matius 8:24

Watu sia' tongahan bolayar, kali labuh ado bonakau mohontapm danau nantai, apo watu nantai Yesus tongahan tidu'. Golumbakng bosar mohontapm porohu sia' sampai honda' tonggolapm.

Matius 27:45

Watu japm duo bolas tongah ari, soluruh doerah nantai potakng-kabut sampai japm tigo babahari.

Matius 4:2

Di su'utn, Yesus bopuaso somanah ompat puluh ari, ompat puluh malapm. Koponsuahannyo Sio mooso kolaparan.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Yohanes 11:9

Timbas Yesus, “Watu bonyarian ado duo bolas japm. Urakng inyo bojalatn watu bonyarian, io kinyo topanjur obai io moniant torakng dunia ni'in.

Lukas 9:58

Yesus honda' urakng nantai mongotohu'i aman io monjadi murid-Nyo, io tajahan mohadapi kosulitan. Ongko Yesus bopandir ko io, “Payau ado lubakngnyo. Burukng ado sayakngnyo. Apo Ana' Monsio nyiant ado kodiapan.”

Yohanes 4:5

Jadi, Sio datakng ko sobuah kota di Samaria nantai, damonyo Sikhar. Kota nantai kinyo jouh doi' tanah inyo Yakub onju' ko ana'nyo, Yusuf, joman komai.

Yohanes 4:7

Timpu nantai, ado botina', urakng Samaria, datakng honda' moncou'. Boko murid Yesus udah botula'am ko kota momboli pomakatn. Jadi, Yesus minto ko botina' nantai. Kato-Nyo, “Tulukng onji'i Ku ara'i pakai' minum.”

Yohanes 4:12

Angki-bayatn koi, Yakub, moonju' sumur ni'in ko koi. Timpu joman komai sio, boko poana'annyo, huatan boko hayapm-inguannyo pan minum ara'i doi' sumur ninam. Hibo Bopai bopikir, Bopai lobih pontikng doi' Yakub?”