Yohanes 4:48 - Porjanjian Boharu Torjomahan Baso Dilakng Soari-ari

⁴⁸ Kato Yesus ko io, “Kaitn bayo pocayo ko Aku aman kaitn moniant mujisat.”

Yohanes 4:48 ပူးပေါင်းရင်းမြစ်များ

Matius 16:1

Lopas nantai, ado boboropo pomimpitn agama Yahudi doi' kolompok Farisi ongko kolompok Saduki, sia' datakng ko Yesus. Sia' honda' moncubo'i Sio. Jadi, sia' minto oca' Yesus bulah boko mujisat pakai' mombutian ko sia' obai kuaso-Nyo doi' Allah.

Matius 24:24

Obai paca'an ado boko urakng datakng inyo mongaku' obai dirinyo nianam Rajo Inyo Dijanjian Allah. Apo sia' co bondar. Paca'an ado boko nabi palsu jam. Boko rajo palsu huatan boko nabi palsu nantai paca'an bulah bomacapm mujisat jam. Tujuan sia' oca' monyosat'an somuo urakng, huatan soandainyo mungkitn tomansu' boko urakng inyo dipilih Allah jam.

Matius 27:42

Kato sia', “Sio monyolamant'an urakng bukai, apo diri siku' co disolamant'an-Nyo! Aman Sio bondar-bondar Rajo Urakng Israel, kohonda'nyo Sio ulih turutn doi' salib nian! Aman Sio mampu molabuhan nantai, koi paca'an pocayo agatn-Nyo.

Markus 13:22

Obai, tajahan ado boko urakng datakng inyo ngaku' dirinyo nantai Rajo Inyo Dijanjian Allah. Apo sia' kinyo bondar. Tajahan ado boko nabi palsu jam. Boko rajo palsu agatn boko nabi palsu nantai tajahan mombulah somuo macapm mujisat pakai' mombulah urakng monjadi sosat. Soumpamonyo mungkitn sia' pan honda' mombulah boko urakng inyo dipilih Allah monjadi sosat jam.

Lukas 10:18

Lalu kato Yesus ko sia', “Aku udah moniant Rajo Sitatn jatu' doi' langit sama'an kilat.

Lukas 16:31

Apo Abrahapm bopandir, ‘Aman boko buku Musa huatan boko nabi kinyo cukup pakai' bulah sia' tongga' bulah dosa huatan hidup monyonangan hati Allah, pasti sia' pan paca'an kinyo pocayo biar pan siku' urakng hidup agi' doi' komatian.’ ”

Yohanes 12:37

Boko urakng moniant Yesus mombulah banya' mujisat. Apo banya' doi' sia' totap co pocayo ko Sio.

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Yohanes 2:18

Boko pomimpitn agama Yahudi inyo ado di santai molawatn Yesus. Kato sia', “Butianbo aman Duatn ado hak pakai' molabuhan hal inyo ubo hoyu' Duatn labuhan nantai. Cubo Duatn mombulah mujisat oca' ado tando pakai' koi!”

Yohanes 20:29

Kato Yesus ko io, “Kolai pocayo obai kolai udah moniant Aku. Apo diborokati sia' inyo pocayo biar pan sia' co moniant Aku.”

Yohanes 4:49

“Pogawai istana nantai bopandir ko Yesus, Bopai, copatcam datakng sobolupm ana'ku mati.”

Kisah Boko Rasul 14:3

Apo, Paulus ongko Barnabas bodiapm cukup manah di su'utn. Agatn borani, sia' duo momboritoan Kabar Boi' mongona'i Tuhatn Yesus. Sia' duo bopandir biar pan urakng kinyo cucu' pakai' disolamant'an, apo Yesus totap monunju'an koboi'an hati-Nyo. Tuhatn Yesus moonji'i kuaso ko Paulus ongko Barnabas pakai' molabuhan bomacapm mujisat. Niannam caronyo Tuhatn mombutian obai somuo pomandiran sia' bondar.

Kisah Boko Rasul 15:12

Somuo urakng di santai pan kotakan langunt ongko mondinga'an Paulus ongko Barnabas bopandir. Paulus ongko Barnabas mongisahan somuo mujisat inyo udah Allah labuhan dalapm polayatan sia' ko boko urakng inyo bukainyo urakng Yahudi.

Kisah Boko Rasul 2:19

Aku pan tajahan bulah boko tando mujisat inyo luar biaso di langit huatan di bumi. Watu nantai paca'an ado darah, api ongko ansap tobal.

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Kisah Boko Rasul 2:43

Watu nantai, boko rasul molabuhan bomacapm mujisat Obai nantai, somuo urakng di Yerusalem mooso hiratn.

Kisah Boko Rasul 4:30

Pakaicam koi pan, Tuhatn, pakai' monyamani boko urakng sakit. Pakaicam koi pakai' bulah mujisat agatn kuaso Yesus, Hulutn Duatn inyo kinyo bodosa.”

Kisah Boko Rasul 5:12

Boko rasul Yesus banya' bulah mujisat di antaro urakng banya'. Timpu nantai, somuo urakng inyo pocayo ko Yesus opat bokumpul di salah sobuti' polantaran Rumah Allah inyo bodamo ‘Polantaran Salomo’

Kisah Boko Rasul 6:8

Nah, Stefanus, doi' kotujuh urakng inyo disiuh tontai, io dionji'i borokat agatn kuaso doi' Allah. Io ulih molabuhan boko mujisat dipohadapan boko urakng banya'.

Kisah Boko Rasul 7:36

Musa ni'innam inyo momimpitn urakng Israel koluar doi' Mesir. Io molabuhan banya' mujisat di nogori Mesir agatn di Lout Mirah. Io jam molabuhan banya' mujisat timpu sia' ado di padakng pasir somanah ompat puluh tohutn.

Roma 15:19

Sio pan momakai bomacapm mujisat ongko kuaso Roh Allah. Ubo nianam caronyo aku momboritoan soluruh Kabar Boi' mongona'i Kristus doi' kota Yerusalem sampai ko doerah Ilirikum.

1 Korintus 1:22

Banya' urakng Yahudi bayo honda' moniant mujisat. Banya' urakng Yunani bayo bogoyap kopintar-corodi'an monsio.

2 Korintus 12:12

Timpu aku bosamo agatn kaitn, aku mombutiannyo ko kaitn obai aku ninam rasul inyo bondar. Agatn sabar aku molabuhan somuo macapm mujisat, boko porbuatan luar biaso inyo monunju'an kuaso Tuhatn.

2 Tesalonika 2:9

Apo sobolupm Yesus bobali', Rajo inyo kotakng jahat nantai paca'an datakng agatn kuaso Rajo Sitatn. Io paca'an molabuhan somuo macapm mujisat inyo palsu huatan boko tando inyo palsu.

Ibrani 2:4

Malahan Allah mombutian Pomandiran nantai bondar obai Sio moonju' kuaso ko sia' pakai' molabuhan somuo macapm mujisat ongko obai sia' bodapat bomacapm komampuan husus inyo dionju' ulih Roh Allah sosuai agatn kohonda'-Nyo.