Yohanes 4:46 - Porjanjian Boharu Torjomahan Baso Dilakng Soari-ari

⁴⁶ Di doerah Galilea nantai, Yesus botula' agi' ko laman Kana, tompat Sio bulah mujisat morubah ara'i monjadi anggur. Di kota bukai, ia'an nantai Kapernaum, ado siku' pogawai inyo bokorojo di istana. Ana' lolakinyo tongahan sakit kuat.

Yohanes 4:46 ပူးပေါင်းရင်းမြစ်များ

Matius 15:22

Siku' botina' doi' doerah nantai datakng ko Yesus. Botina' nantai doi' banso Kanaan. Sio moningkau, “Tuhatn, Rajo doi' koturutan Daud. Kasihicam aku! Ana' botina' ku dirasu'i roh jahat. Io kotakan podih jorih.”

Matius 4:13

Apo, Sio co bodiapm di kota Nazaret agi'. Sio pindah ko kota Kapernaum di pinggir danau Galilea di doerah Zebulon ongko Naftali.

Matius 9:18

Pontongahan Yesus bopandir ko boko murid Yohanes Pombaptis nantai, ado siku' urakng kopala' rumah sombayakng datakng ko Sio. Io tundu' monyungkapan di hadapan Yesus. Katonyo, “Ana' botina'ku hoyu' ja' mati. Apo datakng bo. Cama' bo io, ongko io paca'an bobali' hidup.”

Lukas 4:23

Ongko kato Yesus ko sia', “Pasti kaitn paca'an momadahan pobaso ni'in ko Aku, ‘Uai dokter, nyamani bo diri kolai siku'.’ Kohonda'nyo kolai mombutian kuaso Kolai di tompat asal kolai ni'in agatn mujisat, samo samaꞌan mujisat inyo koi dinga' inyo udah kolai labuhan di Kapernaum.”

Lukas 7:2

Di santai ado siku' powira tontara Romawi, ongko hulutnnyo sakit kuat, honda' matiam. Powira tontara nantai kotakan kidahnyo agatn hulutnnyo nantai.

Yohanes 2:12

Lopas jadi nantai, Yesus botula' ko kota Kapernaum bosamo-samo agatn indai-Nyo, boko somadikan-Nyo huatan boko murid-Nyo. Sia' diapm di santai bayo boboropo ari mo.

Yohanes 21:2

Boboropo murid Yesus inyo bokumpul. Ado Simon Petrus, Tomas (inyo disobut ‘Si Ana' Kombar’), Natanael (doi' laman Kana di doerah Galilea), koduonyo ana' Zebedeus, huatan duo urakng murid-Nyo inyo bukai.