Yohanes 4:42 - Porjanjian Boharu Torjomahan Baso Dilakng Soari-ari

⁴² Sia' bopandir ko botina' nantai, “Koi siku' udah mondinga' pomandiran Sio. Jadi watu ni'in koi pocayo obai nantai bukainyo obai pomandiran kolai. Koi tohu obai Sio nam bondar-bondar Ponyolamant monsio.”

Yohanes 4:42 ပူးပေါင်းရင်းမြစ်များ

Matius 1:21

Maria paca'an boana'an siku' bobia' lolaki. Kolai gola' mondamo'i-Nyo, Yesus, obai Io monyolamant'an umant-Nyo doi' boko dosa sia'.”

Lukas 2:32

Ponyolamant ni'in ubo torakng inyo monjolasan kohonda' Tuhatn ko boko urakng inyo bukainyo banso Yahudi. Sio pan bulah umant Duatn Israel dihormati”.

Yohanes 1:29

Kohobu'annyo, Yohanes moniant Yesus datakng ko io. Yohanes bopandir, “Tiat! Numbo, Ana' Domba inyo diutus Allah oca' mohapus dosa dunia.

Yohanes 11:17

Pas Yesus datakng di Betania, bangkai Lazarus udah dalapm gua pasaran somanah ompat ari.

Yohanes 17:8

Obai, Aku udah momadahannyo ko sia' somuo pomandiran inyo Duatn onju' ko aku. Lalu, sia' monorima' pomandiran Duatn nantai. Sia' tohu obai Aku bondar-bondar datakng doi' Duatn. Sia' pocayo obai Duatnnam inyo moutus Aku.

Yohanes 4:29

“Mara tiat bo! Ado urakng inyo mongatoan ko aku boko lapopan inyo kalo ku labuhan. Mungkitn kironyo Sio nantai Kristus, Rajo Inyo Dijanjian Allah?”

Yohanes 4:41

Obai pandir Yesus, jadi lobih banya' agi' urakng monjadi pocayo ko Sio.

Kisah Boko Rasul 13:23

Lopas nantai, Allah bojanji pakai' mongiripm siku' urakng Ponyolamant pakai' urakng Israel. Ponyolamant nantai ia'an doi' koturutan Rajo Daud. Watu ni'in, Allah udah momonuhi janji-Nyo nantai. Ponyolamant nantai ia'an Yesus.

Kisah Boko Rasul 4:12

Jadi ongkah Yesus nam inyo dapat monyolamant'an monsio doi' hukupan dosa. Obai di soluruh dunia bayo Sioam dionji'i kuaso ulih Allah pakai' monyolamant'an monsio. Co nyiant inyo bukai.”

Kisah Boko Rasul 5:31

Yesus udah noi' ko sorugo ongko dudu' di tompat inyo kotakan tohormat di sopia' kanan Allah. Allah moonji'i kuaso ko Yesus pakai' momimpitn ongko monyolamant'an urakng. Allah molabuhan nantai oca' kito urakng Israel mondapat kosompatan pakai' diamputi, ia'an aman kito botongga' bulah dosa ongko monuruti Allah.

2 Korintus 5:19

Koi momboritoan obai molalu'i Kristus, Allah udah mombuka' jalatn oca' urakng ulih bodamai agi' agatn diri-Nyo. Sio kinyo mompohitukan kosalahan sia'. Sio udah moutus koi pakai' monyampaian kabar mongona'i podamaian nantai.

1 Timotius 4:10

Pakai' hal nantai am kito bokorojo koras huatan bouyuh-jorih. Obai kito boharap ko Allah inyo hidup. Sio nam inyo monyolamant'an somuo monsio, hususnyo sia' inyo pocayo.

1 Yohanes 2:2

Yesus mati oca' boko dosa kito diamputi. Bukainyo bayo pakai' dosa kito ja'am, apo pakai' dosa somuo urakng di dunia ni'in.

1 Yohanes 4:14

Huatan obai koi udah moniant obai Allah Bopai kito udah moutus Ana'-Nyo monjadi Ponyolamant boko urakng di dunia. Koi momboritoan nantai.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.