Yohanes 4:41 - Porjanjian Boharu Torjomahan Baso Dilakng Soari-ari

⁴¹ Obai pandir Yesus, jadi lobih banya' agi' urakng monjadi pocayo ko Sio.

Yohanes 4:41 ပူးပေါင်းရင်းမြစ်များ

Lukas 4:32

Sio bopandir agatn bisi kuaso. Jadi, sia' hiratn moniant caro Sio mongajar.

Yohanes 4:40

Pas boko urakng Samaria datakng ko Yesus, sia' kotakan muhun oca' Sio diapm agatn sia'. Jadi, Sio bodiapm di santai somanah duo ari.

Yohanes 4:42

Sia' bopandir ko botina' nantai, “Koi siku' udah mondinga' pomandiran Sio. Jadi watu ni'in koi pocayo obai nantai bukainyo obai pomandiran kolai. Koi tohu obai Sio nam bondar-bondar Ponyolamant monsio.”

Yohanes 6:63

Inyo bulah monsio hidup ia'an Roh Allah. Kokuatan monsio co nyiant gunonyo pakai' nantai. Pomandiran inyo Ku padahan nantai boasal doi' Roh Allah. Pomandiran nantai ulih moonji'i hidup inyo sobondarnyo.

Yohanes 7:46

Timbas boko ponjago nantai, “Bolupm kalo ado urakng inyo mongajar momadahan boko hal ubo Sio nantai!”

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 15:3

Jadi jomaat di Antiokhia nantai moonju'an sia' sampai ko luar kota. Ongko sia' molajuan pojalatan ko Yerusalem. Sia' molalu'i doerah Fenisia ongko Samaria. Di boko doerah nantai, sia' mongisahan ko boko urakng pocayo di santai, obai banya' urakng inyo bukainyo Yahudi udah monjadi pocayo agatn Yesus. Borito nantai monyonangan hati boko urakng pocayo di santai.

Kisah Boko Rasul 8:12

Apo Filipus momboritoan Kabar Boi' mongona'i Koraja'an Allah. Io momboritoan mongona'i kuaso Yesus sobagai Rajo Inyo Dijanjian Allah. Watu Filipus momboritoan somuo nantai, banya' urakng pocayo agatn borito nantai, boi' lolaki damo botina'. Ongko, Filipus mombaptis sia'.

Kisah Boko Rasul 8:25

Lopas nantai, koduo rasul nantai monyampaian borito doi' Tuhatn. Sia' momboritoan mongona'i pongalapan sia' siku' bosamo Yesus. Ongko, sia' bobali' ko Yerusalem. Dalapm pojalatan pulakng, sia' momboritoan Kabar Boi' mongona'i Yesus di banya' laman bukai di doerah Samaria nantai.

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.