Yohanes 4:40 - Porjanjian Boharu Torjomahan Baso Dilakng Soari-ari

⁴⁰ Pas boko urakng Samaria datakng ko Yesus, sia' kotakan muhun oca' Sio diapm agatn sia'. Jadi, Sio bodiapm di santai somanah duo ari.

Yohanes 4:40 ပူးပေါင်းရင်းမြစ်များ

Lukas 10:39

Marta ado somadikan botina'nyo bodamo Maria. Maria hala dudu' dampikng Yesus mondingaꞌan boko ajaran-Nyo.

Lukas 24:29

Apo sia' mombaba' Sio pakai' tinggal bosamo sia'. Kato sia', “Ari udah honda' malapam. Matoari hampikng tonggolapm. Bomalapm agatn koi di si'itn jam.” Jadi Sio mansu' ongko noluntukng samoan sia'.

Lukas 8:38

Urakng inyo udah dinyamani doi' boko roh jahat nantai mominto oca' io ulih tuyut. Apo, Yesus monyiuh io pulakng. Kato-Nyo,

Yohanes 4:39

Botina' nantai tontai mongisahan mongona'i Yesus ko boko urakng Samaria di kota nantai. Katonyo, “Sio bokisah ko aku boko hal inyo kalo ku labuhan.” Obai pandir botina' nantaiam, banya' doi' sia' pocayo ko Yesus.

Yohanes 4:41

Obai pandir Yesus, jadi lobih banya' agi' urakng monjadi pocayo ko Sio.

Yohanes 4:43

Duo ari lopas nantai, Yesus botula' doi' doerah Samaria nantai monuju ko Galilea.

Kisah Boko Rasul 16:15

Io huatan somuo urakng inyo bodiapm di rumahnyo dibaptis. Ongko, Lidia mohundakng koi ko rumahnyo. Katonyo, “Aman kaitn moanggap obai aku bondar-bondar pocayo ko Tuhatn Yesus, huncapm bujakng ko rumah aku.” Obai io monyosahan, jadi koi monorima' tawarannyo nantai.

Kisah Boko Rasul 8:8

Boko urakng di kota nantai kotakan rindakng obai somuo nantai.

Wahyu 3:20

Porhatiancam! Aku bodiritn di pohadapan lawakng ongko mongetok. Aman ado urakng inyo mondinga'an saro-Ku, lalu mombuka' lawakngnyo, jadi Aku paca'an mansu' rumahnyo. Aku paca'an makatn bosamo-samo agatn io. Io paca'an makatn bosamo-samo agatn Aku.