Yohanes 4:38 - Porjanjian Boharu Torjomahan Baso Dilakng Soari-ari

³⁸ Aku monyiuh kaitn botula' bohanyi di lakau biar pan kaitn co monugal. Udah ado boko urakng bukai inyo bousaha huatan kaitn monorima' kountukan doi' pokoroja'an sia'.”

Yohanes 4:38 ပူးပေါင်းရင်းမြစ်များ

Matius 4:23

Yesus bokolilikng di somuo doerah Galilea. Sio mongajar di boko rumah sombayakng urakng Yahudi. Sio momboritoan Kabar Boi' mongona'i Koraja'an Sorugo. Sio jam inyo monyamani somuo urakng inyo sakit ongko lomah.

Yohanes 1:7

Yohanes datakng pakai' momboritoan mongona'i Torakng nantai. Oca' obai io somuo urakng monjadi pocayo ko Torakng nantai.

Yohanes 17:18

Samo sama'an Duatn udah moutus Aku ko dunia, ubo nian jam Aku moutus sia' ko dunia.

Yohanes 4:37

Aku bopandir sama'an nantai obai porbaso ni'in memang bondar: ‘Ado urakng inyo monugal, apo ado urakng bukai inyo bohanyi.’

Yohanes 4:39

Botina' nantai tontai mongisahan mongona'i Yesus ko boko urakng Samaria di kota nantai. Katonyo, “Sio bokisah ko aku boko hal inyo kalo ku labuhan.” Obai pandir botina' nantaiam, banya' doi' sia' pocayo ko Yesus.

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Kisah Boko Rasul 4:32

Agatn kuaso inyo luar biaso, boko rasul hala momboritoan mongona'i Tuhatn Yesus udah hidup agi' doi' komatian. Allah kotakan monunju'an kasih-Nyo ko somuo urakng inyo pocayo nantai. Sia' hala sohati sopikiran. Co nyiant doi' sia' inyo moanggap kodampuannyo nantai umputn io siku'. Somuo inyo umputn sia' digunoan pakai' kopontikan bosamo.

Kisah Boko Rasul 4:4

Apo banya' urakng inyo udah mondinga' ajaran Petrus ongko Yohanes monjadi pocayo agatn Yesus. Jadi jumlah urakng pocayo monjadi kiro-kiro lima' ribu boko urakng bujakng bosar ongko boko urakng tuho lolaki.

Kisah Boko Rasul 5:14

Jumlah urakng inyo pocayo ko Tuhatn Yesus mongkitn botambah, boi' lolaki damo pan botina'.

Kisah Boko Rasul 6:7

Kabar Boi' mongona'i Yesus torus diboritoan. Jumlah urakng inyo pocayo di Yerusalem mongkitn botambah banya'. Malahan banya' imam pocayo agatn Yesus jam.

2 Korintus 10:15

Koi co momuji diri agatn polayatan inyo urakng bukai labuhan di luar batas inyo Allah tontuan pakai' koi. Apo, koi momuji mongona'i polayatan koi di antaro kaitn. Polayatan nantai ija' dalapm batas inyo Allah tontuan pakai' koi. Koi boharap obai kaitn mongkitn kuat pocayo ko Kristus. Ongko obai nantai, kaitn paca'an lobih mohormati koi.