Yohanes 4:25 - Porjanjian Boharu Torjomahan Baso Dilakng Soari-ari

²⁵ Kato botina' nantai ko Sio, “Aku tohu Rajo Inyo Dijanjian Allah paca'an datakng, inyo disobut Kristus. Watu Sio datakng, Sio paca'an momadahan la'apo pan ko kito.”

Yohanes 4:25 ပူးပေါင်းရင်းမြစ်များ

Matius 1:16

Yakub boana'an Yusuf. Yusuf nantai laki Maria inyo boana'an Yesus, Rajo Inyo Dijanjian Allah, Rajo inyo disobut ‘Kristus’.

Matius 27:17

Jadi, watu urakng banya' udah bokumpul, Pilatus botakutn ko sia', “Sopo kironyo inyo kaitn minto Aku lopasan pakai' kaitn? Yesus Barabas damo Yesus inyo disobut ‘Kristus’?”

Matius 27:22

Kato Pilatus ko sia', “Aman ubo nian, la'apo inyo kaitn kohonda'i aku labuhan tohadap Yesus inyo disobut ‘Kristus’?” Sia' somuo bopandir, “Bunuh Sio di kayu salib!”

Lukas 2:11

Obai ari ni'in di kota Daud udah lahir siku' urakng Ponyolamant, pakai' monulukng kaitn. Io nantai Rajo Inyo Dijanjian Allah.

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Yohanes 4:29

“Mara tiat bo! Ado urakng inyo mongatoan ko aku boko lapopan inyo kalo ku labuhan. Mungkitn kironyo Sio nantai Kristus, Rajo Inyo Dijanjian Allah?”

Yohanes 4:39

Botina' nantai tontai mongisahan mongona'i Yesus ko boko urakng Samaria di kota nantai. Katonyo, “Sio bokisah ko aku boko hal inyo kalo ku labuhan.” Obai pandir botina' nantaiam, banya' doi' sia' pocayo ko Yesus.

Yohanes 4:42

Sia' bopandir ko botina' nantai, “Koi siku' udah mondinga' pomandiran Sio. Jadi watu ni'in koi pocayo obai nantai bukainyo obai pomandiran kolai. Koi tohu obai Sio nam bondar-bondar Ponyolamant monsio.”