Yohanes 4:24 - Porjanjian Boharu Torjomahan Baso Dilakng Soari-ari

²⁴ Allah ni'in Roh. Jadi, somuo urakng inyo monyombah Sio gola' monyombah Sio dalapm Roh-Nyo huatan monyombah Sio sobagai Allah inyo bondar.”

Yohanes 4:24 ပူးပေါင်းရင်းမြစ်များ

Yohanes 4:23

Apo nononyo paca'an datakng watunyo, malahan udah datakam watunyo nantai, boko urakng inyo bondar-bondar monyombah Allah Bopai, sia' paca'an monyombah Sio dalapm Roh Allah. Sia' pan paca'an monyombah Bopai sobagai Allah inyo bondar. Obai, Allah Bopai bogoyap boko urakng inyo monyombah Sio agatn caro nantai.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

2 Korintus 3:17

Nah, ‘Tuhatn’ inyo dimasud di si'itan ia'an Roh. Di mono ado Roh Tuhatn, di siatn ado kobebasan.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

1 Timotius 1:17

Marabo kito mohormati ongko momuji kobosaran Allah sampai somanah-manahnyo! Sio nanam Rajo inyo momorintah somanah-manahnyo, Allah inyo kinyo ulih ditiat huatan kinyo paca'an kalo mati. Ongkah Sio nanam Allah! Amin.