Yohanes 4:23 - Porjanjian Boharu Torjomahan Baso Dilakng Soari-ari

²³ Apo nononyo paca'an datakng watunyo, malahan udah datakam watunyo nantai, boko urakng inyo bondar-bondar monyombah Allah Bopai, sia' paca'an monyombah Sio dalapm Roh Allah. Sia' pan paca'an monyombah Bopai sobagai Allah inyo bondar. Obai, Allah Bopai bogoyap boko urakng inyo monyombah Sio agatn caro nantai.

Yohanes 4:23 ပူးပေါင်းရင်းမြစ်များ

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 12:23

Kato Yesus ko sia', “Udah datakam watunyo Ana' Monsio dimuliaan.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Yohanes 16:32

Pondinga'ancam! Nononyo paca'an sampai watunyo, malahan udah datakam watunyo nantai, kaitn paca'an bosongkayo. Kaitn paca'an pulakng ko rumah siku'-monyiku', moninggalan Aku sonsiku'an. Apo, sobondarnyo Aku co sonsiku'an obai Bopai ado bosamo agatn-Ku.

Yohanes 4:21

Kato Yesus ko io, “Indai, pocayo cam agatn pomandiran-Ku ni'in: Nononyo datakng watunyo urakng paca'an monyombah Allah Bopai di mono ja', bukainyo di bukit ni'in, bukainyo jam di Yerusalem.

Yohanes 5:25

Pondinga'ancam bobondar inyo Ku pandiran ni'in: Tajahan datakng watunyo malahan udah datakam watunyo boko urakng mati paca'an mondinga' saro Ana' Allah. Sia' inyo mondinga'annyo paca'an hidup.

Yohanes 5:28

Jangan kaitn hiratn agatn hal ni'in. Obai, paca'an datakng watunyo somuo urakng mati paca'an mondinga' saro-Nyo.

Roma 1:9

Allah ia'an sasiku obai aku hala moingant kaitn dalapm doaku. Sionam Allah inyo aku layati agatn soponuh hati pakai' momboritoan Kabar Boi' mongona'i Ana'-Nyo.

Roma 8:15

Komainyo, kaitn samo sama'an pacal inyo ponggola'an. Apo, Roh Allah inyo dionju' ko kaitn kinyo bulah kaitn monjadi samo sama'an nantai agi'. Roh Allah bulah kaitn monjadi poana'an Allah. Obai Roh-Nyo nantai, kito moningkau, “Oi Allah! Duatn Bopaiku!”

Roma 8:26

Roh Allah pan monulukng kito watu hati kito lomah. Aman kito co tohu ubo apo soharusnyo kito bodoa, Roh Allah siku' monyampaian isi hati kito inyo culih dijolasan agatn kato-kato.

Galatia 4:6

Obai kito boko poana'an Allah, ongko Sio moutus Roh Ana'-Nyo ko kito. Roh-Nyo mansu' ko dalapm hati kito. Roh-Nyo bulah kito bodoa somombondarnyo agatn mongatoan, ‘Bopai, oi Bopaiku’.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.

Filipi 3:3

Sobondarnyo, umant Allah ia'an kito inyo dibimbikng Roh-Nyo pakai' monyombah Sio. Ni'inan tando ‘sunant’ inyo bondar. Kito bosukur obai Kristus Yesus monyolamant'an kito. Kito co boharap ko boko porbuatan monsio.

1 Petrus 2:9

Apo kaitn nam banso inyo dipilih Allah. Kaitn nam boko urakng inyo molayati Kristus, samo sama'an boko imam molayati rajo. Kaitn nam umant husus umputn Allah, boko urakng inyo ado hubukan agatn Allah siku'. Allah momilih kaitn oca' kaitn ulih momboritoan mongona'i somuo porbuatan bosar inyo Sio labuhan, ia'an Sio inyo moningkau kaitn koluar doi' kogolapan, lalu mansu' ko dalapm torakng-Nyo inyo luar biaso. Samo sama'an inyo totulis di dalapm Buku Suci,