Yohanes 4:21 - Porjanjian Boharu Torjomahan Baso Dilakng Soari-ari

²¹ Kato Yesus ko io, “Indai, pocayo cam agatn pomandiran-Ku ni'in: Nononyo datakng watunyo urakng paca'an monyombah Allah Bopai di mono ja', bukainyo di bukit ni'in, bukainyo jam di Yerusalem.

Yohanes 4:21 ပူးပေါင်းရင်းမြစ်များ

1 Timotius 2:8

Obai nantai, ongko aku bohak momuhun ko somuo lolaki: Di mono aja' kaitn bokumpul, kaitn gola' bodoa. Apo bodoa agatn hati inyo borosih. Jangan monyimpatn ponggodi dalapm hati. Jangan bokonjahatan agatn urakng bukai.

Efesus 2:18

Kito doi' koduo pihak nantai ulih datakng ko Allah Bopai agatn caro inyo samo, ia'an molalu'i Kristus. Somuo kito dionji'i Roh Allah inyo samo inyo mombulah nantai tojadi.

Yohanes 4:23

Apo nononyo paca'an datakng watunyo, malahan udah datakam watunyo nantai, boko urakng inyo bondar-bondar monyombah Allah Bopai, sia' paca'an monyombah Sio dalapm Roh Allah. Sia' pan paca'an monyombah Bopai sobagai Allah inyo bondar. Obai, Allah Bopai bogoyap boko urakng inyo monyombah Sio agatn caro nantai.

Matius 18:20

Obai, aman ado duo ongko tigo urakng bokumpul obai pocayo ko Aku, ongko Aku pan ado di tongah-tongah sia'.”

Efesus 3:14

Obai nantai aku tundu' monyungkapan di hadapan Allah Bopai.

Yohanes 16:32

Pondinga'ancam! Nononyo paca'an sampai watunyo, malahan udah datakam watunyo nantai, kaitn paca'an bosongkayo. Kaitn paca'an pulakng ko rumah siku'-monyiku', moninggalan Aku sonsiku'an. Apo, sobondarnyo Aku co sonsiku'an obai Bopai ado bosamo agatn-Ku.

Yohanes 16:2

Paca'an ado boko urakng inyo monundukng kaitn doi' rumah sombayakng urakng Yahudi. Nononyo, boko urakng inyo mombunuh kaitn paca'an monyangko sia' molayati Allah agatn molabuhan nantai.

Yohanes 5:28

Jangan kaitn hiratn agatn hal ni'in. Obai, paca'an datakng watunyo somuo urakng mati paca'an mondinga' saro-Nyo.

1 Petrus 1:17

Allah mohakipi somuo urakng sosuai agatn porbuatan sia' siku'-monyiku'. Sio kinyo momihak boko urakng totontu. Jadi, aman kaitn monyobut Sionam Bopai kaitn, jadi kaitn gola' hidup mohormati Sio, somanah kaitn monumpakng sobagai urakng asikng di dunia ni'in.

Kisah Boko Rasul 6:14

Obai koi udah mondinga' pomandirannyo. Io mongatoan aman Yesus doi' Nazaret tajahan mohancuran tompat ni'in. Io pan mongatoan Yesus paca'an morubah adat baso inyo disampaian Musa ko angki-bayatn kito.”

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 5:25

Pondinga'ancam bobondar inyo Ku pandiran ni'in: Tajahan datakng watunyo malahan udah datakam watunyo boko urakng mati paca'an mondinga' saro Ana' Allah. Sia' inyo mondinga'annyo paca'an hidup.

Lukas 21:24

Ado inyo paca'an dibunuh agatn podakng. Ado jam inyo tajahan ditangkap ongko dibaba' ko boko nogori bukai, monjadi tahatan di su'utn. Boko banso inyo bukainyo Yahudi tajahan monguaso'i tanah kota Yerusalem sampai watunyo inyo udah ditontuan Allah.”

Matius 28:19

Obai nantai, botula'cam ko somuo banso. Ajaricam boko urakng oca' sia' monjadi murid-Ku. Baptiscam sia' dalapm damo Bopai, Ana', huatan Roh Allah pakai' monunju'an obai sia' pocayo ko Allah Bopai, pocayo ko Yesus, huatan Roh Allah.

Wahyu 21:22

Aku co moniant Rumah Allah di dalapm kota nantai. Obai, Tuhatn Allah inyo Maho Kuaso ongko Ana' Domba nantai am Rumah Allah pakai' kota nantai.