Yohanes 4:14 - Porjanjian Boharu Torjomahan Baso Dilakng Soari-ari

¹⁴ Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Yohanes 4:14 ပူးပေါင်းရင်းမြစ်များ

Yohanes 6:35

Kato Yesus ko sia', “Aku ninam roti inyo moonji'i hidup. Somuo urakng inyo datakng ko aku, co kalo kolaparan agi'. Somuo urakng inyo pocayo ko aku, co kalo korahakan agi'.

Wahyu 7:16

Sia' co paca'an kalo kolaparan damo korahakan agi'. Podi' cokalo monyusahan sia' agi'.

Yohanes 11:26

Sotiap urakng inyo hidup huatan pocayo agatn Aku, io kinyo mati somanah-manahnyo. Marta, kolai pocayo agatn hal nian?”

Yohanes 6:58

Ninam roti inyo udah turutn doi' sorugo. Roti ni'in bukainyo ubo inyo dipua'i angki-bayatn kaitn. Sia' udah mati. Apo urakng inyo bopua' roti ni'in paca'an hidup somanah-manahnyo.”

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.

2 Korintus 1:22

Sio udah monyegel kito monjadi umputn-Nyo huatan moonju' Roh-Nyo di dalapm hati kito. Agatn molabuhan nantai Allah monjamin Sio paca'an moonji'i somuo inyo Sio janjian.

Roma 6:23

Upah doi' dosa ia'an kito gola' mati topisah doi' Allah. Apo Allah monunju'an koboi'an-Nyo ko kito. Sio moonji'i hidup kokal ko kito obai kito bosatu agatn Kristus Yesus, Tuhatn inyo bokuaso dipucu' kito.

1 Petrus 1:22

Obai kaitn monaati kobondaran, kaitn udah monjadi suci di hadapan Allah. Jadi, kaitn dapat mongasihi somadikan kaitn inyo sosamo pocayo, agatn hati tulus. Obai nantai, kaitn gola' bobondar hala mongasihi agatn soponuh hati.

Yohanes 10:10

Pongolit datakng ongkah bayo honda' mongolitam, mombunuh, mombonasoannam. Apo Aku datakng pakai' moonji'i hidup, ia'an hidup inyo sonang-nyaman.

Efesus 4:30

Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.

Roma 5:21

Komai, dosa inyo bokuaso. Jadi, somuo urakng gola' mati. Apo watu ni'in, pakai' kito inyo pocayo, koboi'an Allah inyo bokuaso. Yesus Kristus, Tuhatn inyo bokuaso dipucu' kito, mombulah kito monjadi bondar di hadapan Allah huatan moonji'i kito hidup inyo kokal.

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Matius 5:6

Diborokaticam urakng inyo kotakan rindu hidup bondar di hadapan Allah. Sia' diborokati obai sia' paca'an tokosih nononyo.

Yohanes 4:10

Timbas Yesus, “Kolai bolupm tohu mongona'i poonju' doi' Allah. Sobondarnyo kolai bolupm konal sopo Aku inyo minto minum. Aman kolai tohu boko hal nantai, pasti kolai inyo minto minum ko Aku. Lalu, Aku paca'an moonji'i kolai ara'i kohidupan.”

Yohanes 4:11

Kato botina' nantai, “Bopai, Duatn co nyiant ado poncou'an. Sumur ni'in kotakan dalapm. Doi' mono Duatn dapat ara'i, kohidupan nantai?

Yohanes 4:13

Kato Yesus ko botina' nantai, “Sotiap urakng inyo minum ara'i doi' sumur ni'in, io paca'an korahakan agi'.

Yohanes 4:36

Urakng inyo mohanyi, io udah monorima' upahnyo. Io mongumpulan buah pakai' hidup somanah-manahnyo. Lalu, urakng inyo monanam huatan urakng inyo mohanyi sonang bosamo-samo.

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 7:37

Ari toahir doi' pogai Pondu' Doutn nantai udah datakng watunyoam. Nantai ari inyo kotakan pontikng doi' pogai nantai. Di tongahlamanan Rumah Allah, Yesus bodiritn lalu bopandir borakng, “Sopo aja' inyo korahakan, datakng ko Aku pakai' minum!

Wahyu 7:17

Nianam koadaan sia' obai Ana' Domba inyo di tongah tahta nantai inyo monjago'i sia' samo sama'an siku' gombala. Sio paca'an moirikan sia' ko sumber ara'i inyo moonji'i kohidupan. Allah paca'an mohapus somuo ara'i mato doi' mato sia'.”