Yohanes 4:13 - Porjanjian Boharu Torjomahan Baso Dilakng Soari-ari

¹³ Kato Yesus ko botina' nantai, “Sotiap urakng inyo minum ara'i doi' sumur ni'in, io paca'an korahakan agi'.

Yohanes 4:13 ပူးပေါင်းရင်းမြစ်များ

Lukas 16:24

Io mondongkakng-mondorah, ‘Bopai Abrahapm! Aku kotakng ajab sonsaro di dalapm api ni'in. Kasihibo aku Bopai! Siuh Lazarus moncolupan jarinyo ko dalapm ara'i ongko datakng mondinginan lidahku agatn ara'i nantai.’

Yohanes 4:12

Angki-bayatn koi, Yakub, moonju' sumur ni'in ko koi. Timpu joman komai sio, boko poana'annyo, huatan boko hayapm-inguannyo pan minum ara'i doi' sumur ninam. Hibo Bopai bopikir, Bopai lobih pontikng doi' Yakub?”

Yohanes 4:14

Apo sotiap urakng inyo minum ara'i inyo Aku onju' ko io, io co paca'an korahakan agi' somanah-manahnyo. Obai, ara'i inyo paca'an Aku onju' ko io paca'an monjadi ubo mato ara'i di dalapm dirinyo. Ara'i nantai paca'an torus-norus mongalir huatan moonji'inyo hidup somanah-manahnyo.”

Yohanes 6:27

Jangan bokorojo pakai' bogoyap pomakatn inyo copat buru' ongko habis. Apo bokorojocam pakai' mondapat'an pomakatn inyo tahatn sampai hidup somanah-manahnyo. Ana' Monsio inyo paca'an moonji'i pomakatn nantai ko kaitn. Obai, Allah Bopai udah mombutian obai Sionam moutus Ana' Monsio.”

Yohanes 6:49

Angki-bayatn kaitn bopua' manna di padakng pasir. Apo sia' mati jam.