Yohanes 3:6 - Porjanjian Boharu Torjomahan Baso Dilakng Soari-ari

⁶ La'apo inyo dilahiran socaro jasmani bosipat jasmani huatan la'apo inyo dilahiran doi' Roh Allah bosipat Rohani.

Yohanes 3:6 ပူးပေါင်းရင်းမြစ်များ

Yohanes 1:13

Nantai kinyo tojadi socaro duniawi, samo sama'an boko urakng inyo dilahiran obai kohonda' damo hajat monsio. Sia' monjadi poana'an Allah obai Allah bulah somuo nantai memang tojadi.

Yohanes 3:7

Jangan kolai hiratn obai aku bopandir ko kolai, kolai gola' dilahiran agi'.

Roma 7:18

Aku tohu kinyo ado inyo boi' dalapm diriku, ia'an aku ni'innam monsio agatn kohonda' pakai' bodosa. Biar pan aku ado kohonda' pakai' bulah koboi'an jam, apo aku co mampu molabuhannyo.

Roma 7:5

Komai, kito ija' hidup sosuai agatn boko kohonda' kito sobagai monsio. Hukupm Torat morarakng kito bodosa, apo justru nantai inyo mombulah boko kohonda' nantai lobih kuat agi'. Jadi, boko anggota bukakng kito monjumpati boko kohonda' jahat nantai sampai kito bodosa. Akibatnyo, kito soharusnyo dihukupm mati topisah doi' Allah.

Roma 8:13

Obai, aman kaitn hidup monuruti kohonda' monsio, kaitn tajahan mati bosongkayo doi' Allah. Apo agatn potulukan doi' Roh Allah, kaitn gola' moninggalan boko porbuatan kaitn inyo jahat nantai. Aman kaitn molabuhan nantai, jadi kaitn tajahan mondapat'an kohidupan inyo kokal.

1 Korintus 6:17

Apo urakng inyo bosatu agatn Tuhatn Yesus, monjadi sobukakng-sotubuh agatn Sio dalapm roh.

2 Korintus 5:17

Boko urakng inyo ado di dalapm Kristus, sia' monjadi monsio boharu. Sia' udah botongga' hidup agatn caro inyo manah. Sobondarnyo, sia' hidup agatn caro inyo boharu.

Galatia 5:24

Boko urakng inyo monjadi pongikut Kristus Yesus, sia' udah monyaliban somuo napsu ongko kohonda' diri inyo jahat.

Efesus 2:3

Sobondarnyo, komai kito somuo hidup agatn caro inyo sama'an nantai am. Kito monjumpati boko kohonda' bukakng-tubuh kito. Kito hidup sosuai agatn pikiran huatan kohonda' kito siku'. Porangai kito ia'an porangai boko urakng inyo soharusnyo dihukupm Allah samo sama'an boko urakng bukai.

Kolose 2:11

Obai kaitn bosatu agatn Sio, ongko kaitn udah disunant. Aku kinyo bomasud sunant inyo dilabuhan monsio, apo sunant inyo dilabuhan Kristus. Ia'an, Sio bulah oca' kohonda' bodosa kinyo monguaso'i kaitn agi'.

1 Yohanes 3:9

Urakng inyo monjadi ana' Allah, culih hala bulah dosa. Obai, tobiat Allah siku' ado di dalapmnyo. Allah nam Bopainyo, jadi io culih hala bulah dosa.