Yohanes 3:29 - Porjanjian Boharu Torjomahan Baso Dilakng Soari-ari

²⁹ Pongantitn botina' ia'an umputn pongantitn lolaki. Kawal pongantitn lolaki nantai bayo bodiritn mondampiki huatan mondinga'an, huatan io sonang aman mondinga'an saro pongantitn lolaki. Sama'an nian jam agatn aku. Watu ni'in aku sonang bondar.

Yohanes 3:29 ပူးပေါင်းရင်းမြစ်များ

Matius 22:2

Kato-Nyo, “Koraja'an Sorugo samo sama'an kisah ni'in. Ado siku' urakng rajo inyo moadoan pogai ngawitan ana'nyo.

Matius 25:1

“Watu Aku datakng agi', Koraja'an Sorugo samo sama'an kisah ni'in: Ado sopuluh urakng botina' daro inyo botula' ko pogai kawitn pakai' monyambut pongantitn lolaki. Sia' masikng-masikng mombaba' pompolitoannyo.

Matius 9:15

Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Lukas 15:6

Io moningkau somuo kawal ongko totangganyo, lalu bopandir, ‘Huncapm kito rindakng-ramai. Dombaku inyo hilakng udah kotomuannam!’

Yohanes 15:11

Aku momandiran somuo nantai oca' sonang-nyaman-Ku ado di dalapm hati kaitn, ongko sonang kaitn monjadi sompurna.

Yohanes 16:24

Sampai watu ni'in, kaitn bolupm minto lapopan dalapm damo-Ku. Mintocam, lalu kaitn paca'an monorima'. Kaitn paca'an monorima' oca' sonang-nyamanam kaitn monjadi sompurna.

Yohanes 17:13

Apo ni'in, Aku paca'an datakng ko Duatn. Aku momadahan somuo nantai somontaro Aku ija' ado di dunia oca' sia' ulih bondar-bondar mooso'i kosonangan-Ku dalapm hati sia'.

Yohanes 3:30

Sio gola' mongkitn dipontikan, apo aku mongkitn co pontikng.

2 Korintus 11:2

Osonyo aku ngomburu aman sampai kaitn tuyut urakng bukai. Apo porasa'an ngomburu nantai doi' Allah. Obai, aku honda' kaitn tuyut Kristus ja'am. Kaitn samo sama'an daro inyo udah ku potunangan agatn siku' lolaki, ia'an Kristus. Aku honda' oca' kaitn suci di hadapan-Nyo.

Filipi 2:2

Obai somuo nantai, pulahcam hati ku lobih sonang agi' agatn molabuhan boko hal ni'in: Hidupcam di dalapm kosatuan. Hala mongasihi siku'-monyiku'. Kohonda'nyo pikiran ongko tujuan kaitn hala samo.

1 Yohanes 1:4

Koi monulis somuo ni'in oca' hati koi bondar-bondar sonang-nyamanam.

2 Yohanes 1:12

Ija' banya' hal inyo honda' ku padahan ko kaitn. Apo aku cuku honda' momakai surat. Aku boharap ulih mondataki kaitn lalu ulih bopandir bohadapan. Aku honda' sama'an nantai oca' kito samo mooso'i sonang-nyamanam soponuhnyo.

Wahyu 21:9

Lopas nian, ado salah siku' doi' kotujuh molekat inyo monjujut mangku' inyo bisi agatn kotujuh malopotako toahir nantai. Sio datakng ko aku, lalu bopandir, “Mara! Aku paca'an monunju'an ko kolai Pongantitn Botina', bini Ana' Domba.”