Yohanes 3:26 - Porjanjian Boharu Torjomahan Baso Dilakng Soari-ari

²⁶ Jadi, sia' datakng ko Yohanes. Kato sia' ko io, “Guru, ija' ingant cadoai Urakng nantai inyo bosamo agatn duatn di soborakng Sungai Yordan, ia'an Sio inyo duatn padahan. Porotian cam. Ni'in, Sio mombaptis jam. Somuo urakng monuju ko Sio.”

Yohanes 3:26 ပူးပေါင်းရင်းမြစ်များ

Matius 23:7

Di pasar, sia' gala' urakng bukai monyalapi agatn hormat ko sia'. Sia' jam gala' urakng mohormati agatn moningkau sia' ‘Guru’.

Matius 23:8

Apo jangan kaitn gala' disobut ‘Guru’. Obai, kaitn bayo ado siku' mo ‘Guru’, ia'an Aku. Huatan kaitn somuo somadikan.

Yohanes 1:15

Yohanes momboritoan mongona'i Sio. Yohanes mondongkakng-mondorah, “Ninam Sio kujiku nantai, ‘Ado Urakng inyo paca'an datakng lopas aku nantai. Sio lobih pontikng doi' aku obai Sio udah ado ija' tangga'i mulonyo, jouh sobolupm aku dilahiran.’ ”

Yohanes 1:7

Yohanes datakng pakai' momboritoan mongona'i Torakng nantai. Oca' obai io somuo urakng monjadi pocayo ko Torakng nantai.

Yohanes 1:9

Torakng inyo bondar, Torakng inyo tongahan datakng ko dunia huatan monoraki somuo urakng.

Yohanes 11:48

Aman kito hala mombiaran Sio, somuo urakng paca'an pocayo agatn-Nyo. Sio paca'an monjadi rajo sia'. Jadi boko urakng Roma inyo monguaso'i kito ni'in, sia' paca'an mohancuran Rumah Allah kito huatan soluruh banso kito.”

Yohanes 12:19

Ongko boko pomimpitn agama Yahudi doi' kolompok Farisi, sia' bopandir siku'-monyiku', “Kito samo sokali kinyo ulih morarakng sia'. Porotianbo! Somuo urakng botula' tuyut Sio!”

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 4:1

Ado boko pomimpitn agama Yahudi doi' kolompok Farisi. Sia' mondinga' kabar obai urakng banya' monjadi murid Yesus lalu dibaptis-Nyo, lobih banya' daripado inyo dibaptis Yohanes.

Yohanes 4:2

(Apo sobondarnyo boko murid Yesus inyo mombaptis urakng, kinyo Yesus mombaptis).

Yohanes 4:31

Watu nantai, boko murid Yesus minto oca' Sio makatn. Kato Sia', “Guru, makatn cam.”

Yohanes 5:33

Kaitn udah moutus rombokan ko Yohanes Pombaptis. Io momadahan mongona'i Aku agatn bondar.