Yohanes 3:2 - Porjanjian Boharu Torjomahan Baso Dilakng Soari-ari

² Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 3:2 ပူးပေါင်းရင်းမြစ်များ

Matius 22:16

Jadi, sia' monyiuh boko murid sia' huatan boko urakng inyo mondukukng Rajo Herodes botula' ko Yesus. Boko urakng nantai bopandir ko Yesus, “Guru, koi tohu Duatn urakng inyo jujur. Duatn mongajar agatn jujur mongona'i caro hidup sosuai agatn porintah Allah. Duatn co bopihak ko boko urakng totontu. Obai nantai, Duatn co gola' agatn sopo pan.

Matius 23:7

Di pasar, sia' gala' urakng bukai monyalapi agatn hormat ko sia'. Sia' jam gala' urakng mohormati agatn moningkau sia' ‘Guru’.

Matius 23:8

Apo jangan kaitn gala' disobut ‘Guru’. Obai, kaitn bayo ado siku' mo ‘Guru’, ia'an Aku. Huatan kaitn somuo somadikan.

Markus 12:14

Jadi, boko urakng nantai datakng ko Yesus huatan bopandir, “Guru, koi tohu Duatn urakng inyo jujur. Duatn mongajar agatn jujur mongona'i caro hidup sosuai agatn porintah Allah. Duatn kinyo momihak boko urakng totontu. Obai nantai, Duatn kinyo gola' agatn sosopo pan. Monurut Duatn, poraturan Allah dalapm Hukupm Torat moulihan kito mombayar pajak ko Rajo Roma kata'an cado ai? Gola' kito bayar pajak kata'an cado ai?”

Yohanes 1:38

Yesus mongilikng ko bolikat, moniant sia' tuyut Sio. Kato-Nyo ko sia', “Kaitn bogoyap la'apo?” Kato sia' ko Sio, “Rabi, Duatn diapm di mono?” ‘Rabi’ rotinyo ‘Guru’.

Yohanes 10:38

Apo memang Aku molabuhan boko pokoroja'an Bopai-Ku. Biar pan kaitn co pocayo agatn Aku, palikng cado honda'nyo kaitn pocayo agatn boko pokoroja'an nantai. Agatn ubo nian, kaitn paca'an tohu huatan mongoroti obai Bopai bosatu agatn Aku, huatan Aku bosatu agatn Bopai.”

Yohanes 12:37

Boko urakng moniant Yesus mombulah banya' mujisat. Apo banya' doi' sia' totap co pocayo ko Sio.

Yohanes 14:10

Kata'an kolai kinyo pocayo aman Aku bosatu agatn Bopai, huatan Bopai bosatu agatn Aku? Pomandiran-Ku kinyo boasal doi' diri-Ku siku', apo doi' Bopai inyo bosatu agatn Aku. Sionam inyo mongorojoan somuonyo nantai.

Yohanes 15:24

Aku udah molabuhan boko pogota'an di antaro sia' inyo bolupm kalo dilabuhan urakng bukai. Soandainyo Aku co molabuhan nantai, jadi sia' co bodosa. Apo ni'in biar pan sia' udah moniant somuonyo nantai, sia' ija' bonci'an Aku huatan Bopai-Ku.

Yohanes 2:11

Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Yohanes 20:16

Lalu, kato Yesus ko io, “Maria!” Maria mongilikng, lalu sadar nantai Yesus. Katonyo, “Rabuni!” (Dalapm baso Ibrani rotinyo “Guru”.)

Yohanes 3:26

Jadi, sia' datakng ko Yohanes. Kato sia' ko io, “Guru, ija' ingant cadoai Urakng nantai inyo bosamo agatn duatn di soborakng Sungai Yordan, ia'an Sio inyo duatn padahan. Porotian cam. Ni'in, Sio mombaptis jam. Somuo urakng monuju ko Sio.”

Yohanes 4:31

Watu nantai, boko murid Yesus minto oca' Sio makatn. Kato Sia', “Guru, makatn cam.”

Yohanes 5:36

Apo Aku ado buti inyo lobih kuat daripado pomandiran Yohanes. Allah Bopai udah moonji'i pokoroja'an ko aku. Aku molabuhan boko pokoroja'an nantai watu ni'in. Somuo porbuatan-Ku nantai mombutian obai Bopai udah moutus Aku.

Yohanes 6:2

Banya' urakng hala tuyut Sio, obai sia' moniant boko mujisat-Nyo monyamani boko urakng sakit.

Yohanes 7:31

Apo, di antaro urakng banya' nantai ado banya' jam inyo pocayo ko Yesus. Kato sia', “Aman Kristus datakng nononyo, apo ulih bai Io bulah mujisat lobih doi' Urakng ni'in?”

Yohanes 9:16

Sobagi'an doi' kolompok urakng Farisi nantai bopandir, “Urakng nantai co datakng doi' Allah. Obai, Sio co monaati Ari Sabat.” Apo inyo bukai bopandir, “Co mungkitn siku' urakng bodosa tohu bulah boko mujisat samo sama'an inyo udah Sio pulah!” Jadi ado posolisihan di antaro sia'.

Kisah Boko Rasul 10:38

Yesus mula'i polayatan-Nyo. Yesus boasal doi' kota Nazaret. Sio mula'i polayatan-Nyo di doerah Galilea. Allah moonji'i Roh-Nyo ko Yesus. Allah jam moonji'i kuaso ko Sio. Jadi, Yesus botula' ko mono-mono, molabuhan boko hal inyo boi', Sio monundukng boko roh jahat doi' urakng banya'. Sio ulih molabuhan somuo macapm mujisat obai Allah ado bosamo agatn Sio.

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Filipi 1:14

Solaitn nantai, watu ku di ponjara, aku monjadi toladatn bagi boko somadikan kito inyo pocayo ko Tuhatn Yesus. Kobanya'an doi' sia' monjadi mongkitn borani momboritoan Kabar Boi'. Sia' co gola' momadahan Pomandiran Allah nantai.