Yohanes 3:13 - Porjanjian Boharu Torjomahan Baso Dilakng Soari-ari

¹³ Conyiant ado siku' pan inyo kalo noi' ko sorugo solaitn Ana' Monsio, inyo turutn doi' sorugo ko dunia ni'in.

Yohanes 3:13 ပူးပေါင်းရင်းမြစ်များ

Matius 28:20

Ajaricam sia' pakai' monaati somuo inyo udah Ku porintahan ko kaitn. Ingantcam: Aku paca'an hala monyoroto'i kaitn sampai ahir joman.”

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Yohanes 1:18

Co nyiant ado siku' urakng pan inyo kalo moniant Allah, kocuali Yesus, Ana' Tunggal-Nyo. Sio inyo ado hubukan kotakng dampikng agatn Allah Bopai. Sio inyo monyatoan Allah ko kito.

Yohanes 13:3

Apo, Yesus tohu obai Allah Bopai udah monyorahan somuo kuaso ko Io. Sio tohu jam obai Sio datakng doi' Allah huatan paca'an bobali' ko Sio jam.

Yohanes 17:5

Watu ni'in, oi Bopai, pulahcam Aku monjadi mulia agi' bosamo agatn Duatn di sorugo, samo sama'an komai watu Aku mulia bosamo agatn Duatn sobolupm dunia ni'in dipulah.”

Yohanes 3:12

Kaitn co pocayo watu Aku mongajar mongona'i boko hal doi' dunia ni'in. Aman ubo nian, ubo apo kaitn pocayo aman Aku mongajar mongona'i boko hal doi' sorugo?

Yohanes 3:31

Urakng inyo datakng doi' sorugo urakng nanam inyo bokuaso doi' la'apo pan. Urakng inyo boasal doi' dunia ninam monsio biaso, ongkah bopandir mongona'i boko hal duniaam. Yesus datakng doi' sorugo. Sionam inyo bokuaso doi' la'apo pan.

Yohanes 6:33

Obai, roti doi' Allah ia'an Sio inyo turutn doi' sorugo, inyo moonji'i hidup inyo sobondarnyo ko boko urakng di dunia.”

Yohanes 6:38

Obai, Aku udah turutn doi' sorugo bukainyo pakai' molabuhan kohonda'-Ku siku', apo Aku molabuhan kohonda' Allah inyo udah moutus Aku.

Yohanes 6:42

Kolompok urakng Yahudi nantai bopandir, “Yesus ni'in bayo ana' Yusuf pan? Kito konal agatn indai bopai-Nyo. Ubo apo Io ulih bopandir, Aku turutn doi' sorugo?”

Yohanes 6:46

Nantai bukainyo boroti obai ado urakng inyo udah moniant Bopai. Ongkah Io am inyo datakng doi' Allah, udah moniant Sio.

Yohanes 6:51

Aku ninam roti hidup inyo udah turutn doi' sorugo. Urakng inyo bopua' roti ni'in paca'an hidup somanahnyo. Roti ninam isi-Ku inyo paca'an Ku sorahan pakai' boko urakng di dunia oca' sia' ulih hidup inyo sobondarnyo.”

Yohanes 6:62

Ubo apo pikiran kaitn soandainyo kaitn moniant Ana' Monsio noi' agi' ko sorugo, tompat-Nyo bodiapm sobolupmnyo?

Yohanes 8:42

Kato Yesus ko sia', “Soandainyo Allah bondar Bopai kaitn, pasti kaitn paca'an mongasihi Aku. Obai, Aku datakng doi' Allah. Huatan, Aku datakng bukainyo kohonda'-Ku siku', apo kohonda' Sio inyo moutus Aku.

Kisah Boko Rasul 2:34

Nah Daud siku' kinyo noi' ko sorugo, apo io monulis pomandiran ni'in: ‘Tuhatn bopandir ko Tuhatnku: Dudu'cam di tompat inyo tohormat di sopia' kanan-Ku.

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

Roma 10:6

Apo mongona'i caro urakng bokomboi'an agatn Allah agatn pocayo ko Allah, Buku Suci momandiran dinga'an ni'in, “Jangan kolai katoan di dalapm hati kolai, ‘Sopo bai inyo paca'an noi' ko Sorugo?’ (rotinyo mombaba' Kristus turutn),

1 Korintus 15:47

Monsio potamo, ia'an Adapm, dipulah doi' dobu tanah. Hidupnyo socaro jasmani. Apo Adapm koduo, ia'an Kristus, boasal doi' sorugo.

Efesus 1:23

ongko kito inyo pocayo sama'an bukakng-tubuh-Nyo. Sio momonuhi kito, ia'an Sio inyo momonuhi somuo hal.