Yohanes 21:6 - Porjanjian Boharu Torjomahan Baso Dilakng Soari-ari

⁶ Yesus bopandir ko sia', “Tibaranbo jalo kaitn ko sopia' kanan porohunan, lalu kaitn paca'an bulih ikatn.” Jadi, sia' monibaran jalo ko santai. Sia' bulih ikatn kotakan banya' sampai honda' kinyo totari' sia' ko dalapm porohu nantai.

Yohanes 21:6 ပူးပေါင်းရင်းမြစ်များ

Kisah Boko Rasul 2:41

Watu ari nantai, ado banya' urakng inyo pocayo pomandiran Petrus nantai, kiro-kiro tigo ribu urakng. Sia' dibaptis jam. Jadi, jumlah urakng inyo pocayo agatn Yesus botambah agi'.

Kisah Boko Rasul 4:4

Apo banya' urakng inyo udah mondinga' ajaran Petrus ongko Yohanes monjadi pocayo agatn Yesus. Jadi jumlah urakng pocayo monjadi kiro-kiro lima' ribu boko urakng bujakng bosar ongko boko urakng tuho lolaki.

Yohanes 2:5

Apo indai Yesus bopandir ko boko hulutn di siatn nantai, “Haja' kato labuhan nam la'apo inyo Io padahan ko kaitn.”

Matius 7:27

Timpu hujatn doras, ongko pasakng huatan bonakau mohontapm rumah nantai. Rumah nantai robah huatan kotakng ropu'-lolo.”