Yohanes 21:22 - Porjanjian Boharu Torjomahan Baso Dilakng Soari-ari

²² Timbas Yesus, “Jangan bopikir mongona'i roncana-Ku pakai' urakng bukai. Soandainyo, Aku honda' oca' io totap hidup sampai Aku datakng agi', nantai bukainyo urusan kolai. Apo Aku monyiuh kolai: Tuyut Aku.”

Yohanes 21:22 ပူးပေါင်းရင်းမြစ်များ

Matius 16:24

Lopas nian Yesus bopandir ko boko murid-Nyo, “Aman siku' urakng bondar-bondar honda' monjadi murid-Ku, io gola' moninggalan kosonangan dirinyo siku'. Io gola' momikul kayu salibnyo huatan hala tuyut Aku.

Matius 24:27

Obai watu Ana' Monsio bobali' ko dunia ni'in, somuo urakng ulih moniant kodatakan nantai agatn jolas. Samo sama'an kilat momanjah doi' timur huatan bosinar sampai ko barat. Ubo nianam kodatakan ‘Ana' Monsio.’

Matius 24:3

Lopas nantai Yesus botula' ko bukit Jaitun. Boko murid-Nyo datakng honda' bopandir agatn Sio. Kato sia', “Tulukng padahan ko koi, sombilo somuonyo nantai paca'an tojadi. Boko tando la'apo inyo monunju'an watu Duatn datakng agi' ko dunia ni'in? Boko tando la'apo inyo monunju'an ahir joman?”

Matius 24:44

Samo sama'an nantai jam, Ana' Monsio paca'an datakng co kotohuan. Jadi, kaitn gola' hala bososiap pakai' kodatakan-Nyo.”

Matius 25:31

“Ana' Monsio, paca'an datakng agi' sobagai Rajo. Somuo molekat paca'an datakng bosamo-samo agatn Sio. Sio paca'an dudu' di pucu' tahta-Nyo inyo hebat.

Matius 8:22

Apo Yesus bopandir ko io, “Hincapm tuyut Aku ninam. Biaram boko urakng mati momasar urakng mati sia'.”

Markus 9:1

Yesus pan bopandir, “Dinga'anbo! Ado urakng di antaro kaitn somuo di si'itn inyo kinyo paca'an mati sobolupm moniant Koraja'an Allah datakng agatn kuasonyo.”

Yohanes 21:19

(Yesus momadahan nantai pakai' monunju'an caronyo Petrus paca'an mati. Agatn caro ubo nantai, Petrus nantai, paca'an momuliaan Allah.) Lopas Yesus jadi momadahan bunyi nantai, Sio bopandir ko Petrus, “Hincapm tuyut Aku!”

Yohanes 21:21

Pas moniant murid nantai, Petrus bopandir ko Yesus, “Tuhatn, ubo apo agatn io nian? Lapo inyo paca'an tojadi agatn io?”

1 Korintus 11:26

Sobab, sotiap kali kaitn bopua' roti huatan minum anggur dalapm porjamuan ni'in, kaitn momboritoan komatian Tuhatn sampai Sio datakng agi'.

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

1 Tesalonika 2:19

Koi kotakan togonang honda' botomu kaitn obai kaitn bulah koi bangga huatan rindakng-rigah, timpu kodatakan Yesus.

Yakobus 5:7

Jadi, boko somadikan gola' sabar botahatn sampai Tuhatn datakng agi'. Cubo pikiran mongona'i boko potani. Sia' gola' sabar monantian hujatn inyo turutn watu musipm monanam. Sia' pan gola' sabar monantian hujatn inyo turutn lansukng sobolupm musipm bohanyi. Hoyu' lakaunyo mohasilan inyo boi' huatan borogo.

Yakobus 5:8

Kaitn gola' sabar sama'an nianam. Kaitn gola' totap pocayo ko Tuhatn bobondar obai co manah agi' Tuhatn paca'an datakng agi'.

Wahyu 1:7

Porotiancam! Sio datakng di antaro boko awatn! Somuo urakng paca'an moniant Sio, tomansu' sia' inyo udah monuhu' Sio. Somuo banso di bumi paca'an monangis obai Sio. Au, pasti ni'in tajahan tojadi! Amin!

Wahyu 2:25

Apo pas Aku datakng nononyo, honda'nyo kaitn totap moikuti la'apo inyo udah umputn kaitn.

Wahyu 22:20

Yesus inyo momadahan somuo borito ni'in. Sio bopandir, “Au! Aku paca'an oca'mo datakng!” Amin! Datakngcam Yesus, Tuhatn.

Wahyu 22:7

Yesus bopandir, “Porotiancam! Aku paca'an oca' mo datakng. Sonang-nyamancam somuo urakng inyo monuruti boko posatn doi' Allah dalapm buku ni'in!”

Wahyu 3:11

Aku paca'an oca'mo datakng! Totap sotia pocayo ko aku oca' co nyiant ado urakng inyo ulih morampas hadiah komonangan kaitn.