Yohanes 21:18 - Porjanjian Boharu Torjomahan Baso Dilakng Soari-ari

¹⁸ Pondinga'ancam boboi' inyo Ku padahan ni'in: Timpu kolai ija' muda', kolai siku' mo mongobat punggukng. Kolai ulih bojalatn ko mono ja' kohonda' kolai. Apo timpu kolai udah tuho nononyo, kolai paca'an mouluran koduo longan kolai. Urakng bukai paca'an mongobat kolai lalu mombaba' kolai ko tompat inyo co kolai kohonda'i.”

Yohanes 21:18 ပူးပေါင်းရင်းမြစ်များ

Lukas 12:37

Boko hulutn inyo siap paca'an sonang-nyaman, biar pan habakngnyo datakng tinggi malapm damo holapm sunsukng. Habakngnyo tajahan sonang agatn sia' obai sia' hala siap monanti kodatakannyo. Dinga'anbo ni'in: Habakng nantai paca'an monggonti pakai'annyo pakai' molayati sia'. Io tajahan monyiuh sia' pakai' dudu' makatn. Lalu io tajahan molayati sia'.

Yohanes 13:36

Simon Petrus bopandir ko Yesus, “Tuhatn, ko mono Duatn botula'?” Timbas Yesus, “Watu ni'in kolai culih tuyut ko tompat Aku botula'. Apo nononyo kolai paca'an tuyut Aku.”

Yohanes 21:17

Lopas nantai, Yesus botakutn agi', kotigo kalinyo. Kato-Nyo, “Simon, ana' Yohanes, kata'an kolai mongasihi Aku ai?” Petrus mooso kotakan salu' obai Yesus botakutn nantai sampai tigo kali. Kato Petrus ko Sio, “Tuhatn, Duatn tohu boko sosuatu. Duatn tohu obai aku mongasihi Duatn!” Kato Yesus ko io, “Kobolocam boko domba-Ku.

Yohanes 21:19

(Yesus momadahan nantai pakai' monunju'an caronyo Petrus paca'an mati. Agatn caro ubo nantai, Petrus nantai, paca'an momuliaan Allah.) Lopas Yesus jadi momadahan bunyi nantai, Sio bopandir ko Petrus, “Hincapm tuyut Aku!”

Kisah Boko Rasul 21:11

Io mohampiki koi pakai' monyampaian posatn doi' Allah. Io monguti' ikat pinggakng Paulus, ongko mongobat kaki ongko longannyo siku'. Katonyo, “Roh Allah bopandir obai urakng umputn ikat pinggakng ni'in paca'an dikobat agatn caro inyo samo. Boko urakng Yahudi di Yerusalem paca'an mongobat io. Ongko sia' paca'an monyorahan io ko boko urakng inyo bukainyo Yahudi oca' io dihukupm.”

2 Korintus 5:4

Apo somanahan kito di dalapm bukakng-tubuh ni'in, kito mongoluh obai bobatnnyo borat. Bukainyo obai kito honda' mati, moninggalan bukakng-tubuh ni'in, apo obai kito honda' mondapat'an bukakng-tubuh boharu nantai. Kito honda' samo sama'an nantai oca' bukakng-tubuh ni'in inyo bayo somontaromo dikuaso'i inyo hidup.