Yohanes 21:17 - Porjanjian Boharu Torjomahan Baso Dilakng Soari-ari

¹⁷ Lopas nantai, Yesus botakutn agi', kotigo kalinyo. Kato-Nyo, “Simon, ana' Yohanes, kata'an kolai mongasihi Aku ai?” Petrus mooso kotakan salu' obai Yesus botakutn nantai sampai tigo kali. Kato Petrus ko Sio, “Tuhatn, Duatn tohu boko sosuatu. Duatn tohu obai aku mongasihi Duatn!” Kato Yesus ko io, “Kobolocam boko domba-Ku.

Yohanes 21:17 ပူးပေါင်းရင်းမြစ်များ

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Markus 14:72

Watu nantai jam, manu' bokuku' pas koduo kalinyo. Petrus toingant pomandiran Yesus ko io, “Sobolupm manu' bokuku' duo kali, kolai paca'an monyangkal-Ku tigo kali.” Jadi, Petrus monangis obai kotakng monyosal.

Yohanes 12:8

Urakng jaro hala ado bosamo kaitn, apo Aku kinyo paca'an hala bosamo kaitn.”

Yohanes 13:38

Timbas Yesus, “Bobondar? Kolai siap mati pakai' Aku? Pondinga'an bobondar cam la'apo inyo Ku pandiran ni'in: Kolai paca'an monyangkal Aku sampai tigo kali sobolupm manu' bokuku'.”

Yohanes 14:15

“Aman kaitn mongasihi Aku, kaitn paca'an monaati boko porintah-Ku.

Yohanes 15:10

Aman kaitn monuruti boko porintah-Ku, Aku pan totap hala mongasihi kaitn. Samo sama'an Aku monuruti porintah Bopai-Ku, huatan Sio pan totap hala mongasihiKu jam.

Yohanes 16:30

Watu ni'in, koi tohu obai Duatn mongotohu'i boko la'apo pan. Duatn co pontikng urakng monakutan la'apo pan ko Duatn obai Duatn udah tohu. Obai nantai, koi pocayo obai Duatn datakng doi' Allah.”

Yohanes 18:27

Apo Petrus bopandir agi' obai io co konal agatn Yesus. Watu nantai jam, manu' bokuku'.

Yohanes 18:4

Apo, Yesus udah mongotohu'i boko hal inyo paca'an tojadi tohadap diri-Nyo. Jadi, Sio mohampiki sia', lalu botakutn, “Kaitn monggoyapi sopo?”

Yohanes 21:18

Pondinga'ancam boboi' inyo Ku padahan ni'in: Timpu kolai ija' muda', kolai siku' mo mongobat punggukng. Kolai ulih bojalatn ko mono ja' kohonda' kolai. Apo timpu kolai udah tuho nononyo, kolai paca'an mouluran koduo longan kolai. Urakng bukai paca'an mongobat kolai lalu mombaba' kolai ko tompat inyo co kolai kohonda'i.”

Yohanes 4:16

Kato Yesus ko botina' nantai, “Hingkascam, tingkau cam laki kolai baba' ko si'itn.”

Kisah Boko Rasul 1:24

Lopas nian sia' somuo bodoa. Kato sia', “Tuhatn, Duatn mongotohu'i isi hati sotiap urakng. Yudas udah moninggalan tugasnyo sobagai rasul. Io udah mati, huatan monorima' hukupan inyo cucu'. Jadi, tunju'ancam ko koi sopo paca'an monggonti'i io. Ado duo iku' urakng ni'in. Inyo mono dipilih Duatn pakai' molayati sobagai rasul monggonti'i Yudas.”

Kisah Boko Rasul 11:10

Nantai tojadi tigo kali, hoyu' koitn nantai toangkat ko langit.

Kisah Boko Rasul 15:8

Allah mongotohu'i isi hati sotiap urakng. Allah co monyoropihi antaro kito urakng Yahudi agatn sia' inyo bukainyo urakng Yahudi. Sia' pocayo ko Yesus. Agatn caro nantai, Allah bulah hati sia' borosih ubo nian jam hati kito diborosihi. Komainyo Allah moonji'i Roh-Nyo ko kito. Allah pan udah moonji'i Roh-Nyo ko boko urakng inyo bukainyo urakng Yahudi inyo pocayo agatn Yesus. Nanam caronyo Allah monunju'an obai Sio monorima' sia', co nyiant caro bukai.

2 Korintus 1:12

Boko somadikan, koi bangga mongona'i ni'in: Dalapm hati koi siku', koi tohu obai caro hidup koi di dunia ni'in kinyo salah, hususnyo dalapm hubukan koi agatn kaitn. Koi molabuhan boko hal agatn hati inyo tulus ongko borosih. Hati ubo nantai doi' Allah. Koi molabuhan somuonyo agatn koboi'an-Nyo, bukainyo agatn Kobijaksana'an monsio.

Efesus 4:30

Jangan mombulah Roh Allah salu'. Obai, Allah udah moonju' Roh-Nyo ko kaitn sobagai tando obai kaitn paca'an di solamat'an watu ahir joman.

1 Petrus 1:6

Sonangcam agatn hal nantai, biar pan somontaro watu ni'inan kaitn gola' monjadi salu' obai bomacapm-macapm poncoba'an.

2 Petrus 3:1

Boko somadikan inyo ku kasihi, ni'in udah surat inyo koduo, inyo ku tulis ko kaitn. Di dalapm koduo surat nantai, aku bousaha monyadaran kaitn pakai' bopikir agatn caro inyo bondar.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.

Wahyu 3:19

Akunam monogur ongko monertiban boko urakng inyo Ku kasihi. Jadi, bondar-bondar pocayocam ko aku. Tinggalancam boko dosa kaitn.