Yohanes 21:15 - Porjanjian Boharu Torjomahan Baso Dilakng Soari-ari

¹⁵ Lopas sia' jadi makatn, Yesus bopandir ko Simon Petrus, “Simon, ana' Yohanes, kolai mongasihi Aku lobih doi' sia' ni'in kata'an cadoai?” Timbas Petrus ko Sio, “Bondar Tuhatn! Duatn tohu obai aku mongasihi Duatn. Kato Yesus ko io, kobolocam boko domba-Ku.”

Yohanes 21:15 ပူးပေါင်းရင်းမြစ်များ

Roma 15:1

Kito inyo kuat gola' monulukng urakng inyo kurakng kuat. Kito gola' momporhatian lapo inyo boi' pakai' monulukng urakng bukai monjadi lobih kuat pocayo. Kito gola' bousaha monyonangan siku'-monyiku'. Jangan kito bayo monyonangan diri kito siku'.

1 Yohanes 4:19

Kito gola' mongasihi, obai Allah lobih doholu mongasihi kito.

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.

Efesus 6:24

Aku bodoa oca' Sio monunju'an kasih karunia ko kaitn somuo inyo mongasihi Tuhatn kito Yesus Kristus agatn kasih inyo kinyo tohu botongga'.

Kisah Boko Rasul 20:28

Kaitn gola' monjago diri kaitn huatan urakng bukai inyo udah pocayo agatn Yesus oca' totap pocayo. Allah udah monobus monsio doi' hukupan dosa agatn darah-Nyo sikuꞌ. Jadi, sia' udah monjadi umant Allah siku'. Kaitn udah dipilih Roh Allah pakai' momimpitn sia' nantai. Obai nantai, kaitn gola' monjago sia' samo sama'an gombala monjago kabatn dombanyo.

1 Yohanes 5:1

Urakng inyo pocayo obai Yesus nam Kristus, Rajo Inyo Dijanjian Allah, urakng nantai am ana' Allah. Urakng inyo mongasihi Allah Bopai, mongasihi poana'an Allah jam.

Yohanes 16:27

Sio paca'an mondinga'an kaitn obai Sio siku' mongasihi kaitn. Sio mongasihi kaitn obai kaitn mongasihi Aku huatan pocayo obai Aku datakng doi' Allah.

1 Petrus 2:25

Komai, kaitn samo sama'an domba inyo sosat. Apo ni'in kaitn udah tuyut Kristus. Sio samo sama'an gombala inyo molinduki jiwa kaitn.

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

Lukas 22:32

Apo Aku udah bodoa pakai' kolai, Simon, oca' kolai totap pocayo ko Aku. Watu kolai bobali' sotia agatn Aku, kolai gola' monguat'an iman boko somadikan kolai, ia'an boko murid-Ku.”

Ibrani 13:20

Aku bodoa ko Allah inyo moonji'i sonang-asau. Sio mombulah Tuhatn kito, Yesus, bobali' hidup doi' komatian. Agatn sama'an nantai, darah Yesus monsahan pojanjianinyo Allah pulah agatn monsio pakai' somanah-manahnyo. Yesus monjadi Gombala Agukng inyo mombimbikng kito, boko domba-Nyo.

Roma 14:1

Ado boko somadikan inyo kurakng kuat pocayo ia'an sia' ija' gangga'-gua'an ulih molabuhan la'apo pan damo cado. Jangan botikakng mongona'i pondapat sia'. Apo, torima'cam sia' agatn sonang hati.

Matius 16:17

Kato Yesus ko io, “Simon ana' Yunus, kolai udah diborokati Allah Bopai-Ku inyo di sorugo. Obai kolai mondapat pongorotian mongona'i hal nantai doi' Sio, bukainyo doi' monsio.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

Galatia 5:6

Obai, hal bosunant kata'an kinyo bosunant co nyiant bedanyo di kito inyo ado di dalapm Kristus Yesus. Inyo pontikng ia'an aman kito pocayo ko Yesus huatan kopocaya'an nantai monyurukan kito pakai' mongasihi urakng bukai.

Yohanes 21:12

Kato Yesus ko sia', “Marabo, kito nyogo sunsukng ni'in.” (Somuo murid-Nyo tohu obai nantaiam Tuhatn Yesus. Jadi, conyiant di antaro sia' inyo borani botakutn ko Sio, “Sopo Duatn ni'in?”)

Yohanes 21:7

Murid inyo dikasihi Yesus nantai bopandir ko Petrus, “Nantai Tuhatn!” Pas Petrus mondinga' nantai, io mongona'an pakai'annyo obai tontainyo io co bopakaian. Lalu, io torojutn ko ara'i, bononang ko pantai.

Matius 18:10

Ingantcam, jangan mohayam salah siku' doi' boko urakng kocit ni'in. Obai, dinga'anbo ni'in: Ado boko molekat di sorugo inyo monjago'i sia'. Boko molekat nantai hala ado di hadapan Bopai-Ku di sorugo. [

Efesus 4:14

bukainyo sama'an boko bobia' agi' inyo mudah ditipu agatn somuo macapm ajaran inyo salah. Kito kinyo pocayo ko boko urakng licik nantai inyo honda' mombulah urakng monjadi sosat.

1 Korintus 8:11

Agatn ubo nantai ‘pongotohuan’ kaitn mongona'i nantai, bulah io molabuhan dosa, sampai io monjadi bonaso agatn caro nantai, kaitn bodosa tohadap io. Padohal, Kristus mati pakai' monyolamant'an io jam.

Yohanes 8:42

Kato Yesus ko sia', “Soandainyo Allah bondar Bopai kaitn, pasti kaitn paca'an mongasihi Aku. Obai, Aku datakng doi' Allah. Huatan, Aku datakng bukainyo kohonda'-Ku siku', apo kohonda' Sio inyo moutus Aku.

Markus 14:29

Kato Petrus ko Yesus, “Mungkitn somuo sia' paca'an moninggalan Duatn, apo aku cado!”

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Matius 10:37

Sotiap urakng inyo mongasihi Bopai damo indainyo lobih daripado Aku, io kinyo cucu' monjadi pongikut-Ku. Ubo nian jam, sotiap urakng inyo mongasihi ana'nyo lolaki damo botina' lobih daripado Aku, io kinyo cucu' monjadi pongikut-Ku.

Yohanes 13:37

Kato Petrus ko Sio, “Tuhatn, obai apo aku culih tuyut Duatn watu ni'in? Aku siap mati pakai' Duatn!”

Yohanes 1:42

Andreas mombaba' Simon ko Yesus. Yesus moncorona'i ko arah Simon. Kato-Nyo, “Kolai ninam Simon, ana' Yohanes. Apo kolai paca'an ditingkau Kefas!” (damo ‘Kefas’ samo agatn ‘Petrus’. Rotinyo, ‘batu ndampar’.)

Matius 26:35

Kato Petrus ko Sio, “Biar pan aku gola' mati bosamo agatn Duatn, aku co paca'an bopandir co mongonal Duatn.” Somuo murid inyo bukai bopandir ubo nantai jam.

Matius 26:33

Petrus bopandir ko Yesus, “Mungkitn somuo kawal inyo bukai paca'an moninggalan Duatn, apo pasti aku cado!”

Kisah Boko Rasul 20:29

Aku tohu obai lopas jadi aku botula', paca'an ado boko urakng inyo datakng ko kaitn agatn ajaran inyo salah. Sia' paca'an moncubo monyosat'an urakng. Sia' samo sama'an boko payau ganas inyo honda' monyorakng boko domba kaitn.