Yohanes 21:12 - Porjanjian Boharu Torjomahan Baso Dilakng Soari-ari

¹² Kato Yesus ko sia', “Marabo, kito nyogo sunsukng ni'in.” (Somuo murid-Nyo tohu obai nantaiam Tuhatn Yesus. Jadi, conyiant di antaro sia' inyo borani botakutn ko Sio, “Sopo Duatn ni'in?”)

Yohanes 21:12 ပူးပေါင်းရင်းမြစ်များ

Kisah Boko Rasul 10:41

Allah kinyo mombiaran somuo urakng moniant Yesus, apo bayo boko urakng inyo udah dipilih-Nyo, tomansu' koi boko rasul Yesus. Lopas jadi Yesus hidup agi', koi ulih makatn huatan minum bosamo Sio.

Yohanes 16:19

Yesus tohu obai ado inyo honda' sia' takutan ko Sio. Jadi Sio bopandir, “La'apo inyo kaitn pandiran ko siku'-monyiku', kaitn honda' botakutn ko Aku mongona'i pomandiran-Ku tontai sobontar agi', kaitn co paca'an moniant Aku. Apo sobontar agi' lopas nantai kaitn paca'an moniant Aku agi'. Nianam bai inyo honda' kaitn takutan ko Aku tai?

Yohanes 21:15

Lopas sia' jadi makatn, Yesus bopandir ko Simon Petrus, “Simon, ana' Yohanes, kolai mongasihi Aku lobih doi' sia' ni'in kata'an cadoai?” Timbas Petrus ko Sio, “Bondar Tuhatn! Duatn tohu obai aku mongasihi Duatn. Kato Yesus ko io, kobolocam boko domba-Ku.”

Markus 9:32

Sia' kinyo mongoroti pomandiran nantai. Apo sia' pan gola' botakutn ko Yesus mongona'i la'apo masud Sio mongona'i hal nantai.

Yohanes 4:27

Timpu nantai, boko murid-Nyo datakam. Sia' hiratn bondar moniant Yesus bopandir agatn siku' botina'. Apo conyiant ado urakng doi' sia' inyo bopandir, “Duatn honda' la'apo?” Kata'an, “Mapo Duatn bopandir agatn botina' nian?”

Lukas 9:45

Apo boko murid-Nyo kinyo mongoroti pomandiran-Nyo nantai. Allah mombumbutn rotinyo doi' sia', oca' sia' co mongoroti. Sia' gola' botakutn ko Yesus mongonaꞌi roti doi' pomandiran-Nyo.

Matius 22:46

Co nyiant siku' pan urakng inyo ulih monikaki Yesus. Doi' ari nantai, co nyiant inyo borani monjebak Sio agatn potakutan agi'.

Yohanes 21:11

Jadi, Simon Petrus jumpat ko porohu lalu monari' jalo nantai ko darat. Jalo nantai bisi agatn ikatn inyo bosar-bosar, soratus lima' puluh tigo iku'. Biar pan sobanya' nantai, jalo nantai kinyo birat.