Yohanes 20:29 - Porjanjian Boharu Torjomahan Baso Dilakng Soari-ari

²⁹ Kato Yesus ko io, “Kolai pocayo obai kolai udah moniant Aku. Apo diborokati sia' inyo pocayo biar pan sia' co moniant Aku.”

Yohanes 20:29 ပူးပေါင်းရင်းမြစ်များ

Matius 13:16

“Apo kaitn boko murid-ku diborokati. Obai kaitn bobondar moniant huatan bobondar mondinga'.

Lukas 1:45

Sonang-nyamanam hidup kolai, obai kolai pocayo agatn inyo dipandiran Tuhatn ko kolai somuonyo pasti tajahan tojadi.”

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Yohanes 20:8

Lopas nantai, murid inyo bukai nantai mansu' jam, ia'an nantai murid inyo lobih doholu datakng ko pasaran. Io moniant lalu pocayo obai Yesus bondar-bondar hidup agi'.

Yohanes 4:48

Kato Yesus ko io, “Kaitn bayo pocayo ko Aku aman kaitn moniant mujisat.”

2 Korintus 5:7

Obai, caro hidup koi bodasaran boko hal inyo koi pocayo'i bukainyo boko hal inyo koi tiat.

Ibrani 11:1

Aman kito pocayo ko Allah, rotinyo kito bondar-bondar yakitn mongona'i somuo inyo kito harapan. Kito yakitn obai Sio tajahan momonuhi somuo janji-Nyo, biar pan kito bolupm ulih moniantnyo.

Ibrani 11:27

Obai Musa pocayo, jadi io borani moninggalan Mesir. Io kinyo gola' dikogodi'i Rajo Mesir. Io totap botahatn mohadapi pondorita'an soakatn-akatn io ulih moniantAllah inyo kinyo ulih di tiat pakai' mato.

Ibrani 11:39

Allah sonang agatn somuo urakng ni'in obai sia' pocayo. Apo sia' bolupm dapat boko hal inyo dijanjian Allah

1 Petrus 1:8

Kaitn bolupm kalo moniant Sio, apo kaitn totap mongasihi-Nyo. Watu ni'in, kaitn culih moniant Sio, apo kaitn totap pocayo ko Sio. Jadi, kaitn rindakng rigah ongko sonang-nyamanam inyo kotakan luar biaso sampai kinyo tokatoan.