Yohanes 20:28 - Porjanjian Boharu Torjomahan Baso Dilakng Soari-ari

²⁸ Kato Tomas ko Sio, “Duatn nam Tuhatn huatan Allah-ku!”

Yohanes 20:28 ပူးပေါင်းရင်းမြစ်များ

Matius 14:33

Somuo urakng inyo ado di porohu nantai monyombah Sio. Kato sia', “Duatn bondar-bondar Ana' Allah!”

Lukas 24:52

Sia' tundu' monyombah Sio, lopas nantai sia' pulakng ko Yerusalem agatn hati kotakng rindakng bondar.

Yohanes 1:1

Mulonyo, sobolupm la'apo pan dipulah, ado Sio inyo disobut ‘Pandir Allah’. Pandir nantai bosamo agatn Allah. Pandir nantai jam samo agatn Allah.

Yohanes 20:16

Lalu, kato Yesus ko io, “Maria!” Maria mongilikng, lalu sadar nantai Yesus. Katonyo, “Rabuni!” (Dalapm baso Ibrani rotinyo “Guru”.)

Yohanes 20:27

Lalu, Sio bopandir ko Tomas, “Tiatbo jari-Ku. Gahapan jari kolai di si'itn. Uluran longan kolai, huatan gahapam di porut-Ku. Jangan gangga'-gua'an agi' apo pocayocam!”

Yohanes 20:29

Kato Yesus ko io, “Kolai pocayo obai kolai udah moniant Aku. Apo diborokati sia' inyo pocayo biar pan sia' co moniant Aku.”

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

Yohanes 5:23

Bopai molabuhan nantai oca' somuo urakng mohormati Ana' samo sama'an sia' mohormati Sio. Sopo ja' inyo co mohormati Ana', boroti io kinyo mohormati Allah Bopai inyo moutus-Nyo.

1 Timotius 3:16

Sobondarnyo la'apo inyo tosimpatn dalapm kopocaya'an kito kotakan luar biaso! Boko hal nantai monunju'an caro hidup inyo monyonangan Allah. Boko hal nantai ia'an: “Yesus moniant'an diri-Nyo dalapm rupo monsio. Roh Allah monyatoan obai inyo dilabuhan Yesus bondar. Yesus monyatoan diri-Nyo ko boko molekat. Boko urakng momboritoan mongona'i Yesus ko somuo banso. Boko urakng di soluruh dunia monjadi pocayo ko Yesus. Allah bulah Yesus noi' ko sorugo dalapm komulia'an.”