Yohanes 20:26 - Porjanjian Boharu Torjomahan Baso Dilakng Soari-ari

²⁶ Sominggu lopas nantai, boko murid Yesus bokumpul agi' di rumah nantai. Kali nintai, ado Tomas bosamo agatn sia'. Sia' monyongkal boko lawakngnyo samo sama'an komai jam. Kali labuh, Yesus datakng agi', bodiritn di tongah-tongah sia'. Kato-Nyo, “Sonang-asau pakai' kaitn!”

Yohanes 20:26 ပူးပေါင်းရင်းမြစ်များ

Matius 17:1

Onam ari lopas nantai, Yesus noi' ko sobuah bukit inyo tinggi. Sio bayo mombaba' Petrus, Yakobus ongko Yohanes somadikan Yakobus oca' sia' sonsiku'an bosamo agatn Sio di su'utn.

Markus 16:14

Koponsuahannyo, Yesus moniant'an diri kosobolas murid-Nyo timpu sia' tongahan makatn. Sio monogur sia' obai hati sia' koras, sia' kinyo pocayo ko boko urakng inyo udah moniant Sio bobali' hidup.

Lukas 24:36

Tongahan sia' duo ija' bokisah, sopongirap Yesus bodiritn di tongah-tongah sia' somuo ongko bopandir, “Salapm pakai' kaitn somuo!”

Lukas 9:28

Dolapatn ari lopas nantai, Yesus noi' ko pucu' bukit pakai' bodoa. Sio mombaba' Petrus, Yohanes ongko Yakobus jam.

Yohanes 11:16

Tomas, salah siku' murid Yesus inyo disobut jam “Ana' Kombar”, io bopandir ko boko murid inyo bukai. Katonyo, “Pasti Yesus paca'an mati di su'utn. Hincapm, kito tuyut botula' oca' kito mati bosamo agatn Yesus.”

Yohanes 14:27

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

Yohanes 20:19

Pas ari udah malapam watu ari Minggu nantai, boko murid Yesus bokumpul di sobuah rumah. Sia' monyongkal boko lawakngnyo obai sia' gola' agatn boko pomimpitn urakng Yahudi. Sopongirap, Yesus datakng, bodiritn di tongah-tongah sia'. Kato-Nyo, “Sonang-asau pakai' kaitn!”

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

Yohanes 21:1

Boboropo ari lopas nantai, Yesus moniant'an diri-Nyo agi' ko boko murid-Nyo. Nantai tojadi di pantai danau Tiberias. Ubo ni'inan kisahnyo:

Yohanes 21:14

Nantaiam kotigo kalinyo Yesus moniant'an diri-Nyo ko boko murid-Nyo lopas Sio bobali' hidup agi'.