Yohanes 20:23 - Porjanjian Boharu Torjomahan Baso Dilakng Soari-ari

²³ Aman kaitn moamputi dosa urakng bukai, jadi Allah moamputinyo. Aman kaitn co moamputi dosa urakng bukai, jadi Allah co moamputinyo.”

Yohanes 20:23 ပူးပေါင်းရင်းမြစ်များ

Matius 16:19

Aku paca'an moonju' ko kolai kunci Koraja'an Sorugo. Aman kolai mongobat sosuatu di dunia ni'in, hal nantai paca'an dikobat di sorugo jam. Aman kolai molopasan sosuatu di dunia ni'in, hal nantai paca'an dilopasan di sorugo jam.”

Matius 18:18

Dinga'anbo ni'in! Aman kaitn mongobat sosuatu di dunia ni'in, hal nantai pan paca'an dikobat di sorugo. Apo aman kaitn molopasan sosuatu di dunia ni'in, hal nantai pan paca'an dilopasan di sorugo.

Yohanes 20:22

Lopas jadi Yesus bopandir bunyi nantai, Sio mohombusan kosih-Nyo ko sia' lalu bopandir, “Torima' cam Roh Allah!

Kisah Boko Rasul 10:43

Pado joman komai, boko nabi jam momadahan mongona'i Sio obai sia' monulis mongona'i Sio, ia'an Rajo Inyo Dijanjian Allah. Sia' monulis obai Sio ado kuaso pakai' moamputi boko dosa somuo urakng inyo pocayo agatn Sio.”

Kisah Boko Rasul 2:38

Timbas Petrus, “Tinggalan cam dosa kaitn ongko hidup monyonangan hati Allah. Kaitn gola' dibaptis pakai' monunju'an obai kaitn pocayo ko Yesus Kristus. Agatn ubo nian, ongko dosa kaitn paca'an diamputi, ongko kaitn paca'an monorima' Roh Allah.

1 Korintus 5:4

Timpu kaitn bokumpul dalapm damo Yesus, Tuhatn kito, watu nantai jam, hati aku ado bosamo kaitn. Jadi, watu nantai, hukupmcam urakng nian agatn kuaso Yesus, Tuhatn kito.

Efesus 2:20

Kaitn samo sama'an rumah inyo ditinjakan di pucu' pondasi batu, ia'an boko rasul ongko boko nabi, huatan Kristus Yesus nantai sobagai batu inyo kotakng pontikng.

1 Timotius 1:20

Himeneus ongko Aleksander ado di antaro boko urakng sama'an nantai. Aku udah monyorahan sia' ko Rajo Sitatn agatn caro monundukng sia' doi' posokutuan urakng pocayo. Agatn sama'an nantai, sia' ulih bolajar botongga' mohayam Allah.