Yohanes 20:2 - Porjanjian Boharu Torjomahan Baso Dilakng Soari-ari

² Jadi, io monggidi'an monggoyapi Simon Petrus huatan siku' urakng murid inyo bukai inyo dikasihi Yesus. Kato Maria ko sia' duo nantai, “Bangkai Tuhatn udah dikuti' doi' pasaran! Koi co tohu di mono Sio dilota'an.”

Yohanes 20:2 ပူးပေါင်းရင်းမြစ်များ

Yohanes 13:23

Siku' murid inyo kotakng dikasihi Yesus, io dudu' dampikng Yesus.

Yohanes 19:26

Di dampikng indai Yesus ado murid inyo kotakng dikasihi Yesus. Pas Yesus moniant sia' duo, Sio bopandir ko indai-Nyo, “Indai, anggap ja'am io ana' duatn watu ni'in!”

Yohanes 20:13

Kato boko molekat nantai, “Mapo kolai monangis?” Timbas Maria, “Bangkai Tuhatnku udah dikuti'. Cuku tohu di mono Sio dilota'an.”

Yohanes 20:15

Kato Yesus ko io, “Mapo kolai monangis? Kolai monggoyapi sopo?” Maria pikir urakng nantai urakng inyo bokorojo di kobutn nantai. Jadi, Maria bopandir, “Bopai, aman Duatn momindahan bangkai-Nyo doi' si'itn, tulukng padahan ko aku di mono Kolai molota'an-Nyo oca' aku monguti'-Nyo, mombaba'-Nyo ko si'itan.”

Yohanes 20:9

(Obai somanah nantai, sia' bolupm mongoroti pomandiran inyo totulis dalapm Buku Suci obai Sio gola' hidup agi' doi' komatian.)

Yohanes 21:20

Pas Petrus mongilikng ko bolikat, io moniant ado murid inyo bukai tuyut sia'. Murid nantaiam murid inyo kotakan kokidah Yesus. (Timpu sia' makatn bosamo komai, murid-Nyo nantaiam murid inyo dudu' dampikng Yesus lalu botakutn, “Tuhatn, sopo kironyo inyo paca'an monyorahan Duatn ko musuh?”).

Yohanes 21:24

Murid nantaiam murid inyo momadahan mongona'i somuonyo ni'in. Ionam inyo udah monulisnyo. Kito tohu obai pomandirannyo bondar.

Yohanes 21:7

Murid inyo dikasihi Yesus nantai bopandir ko Petrus, “Nantai Tuhatn!” Pas Petrus mondinga' nantai, io mongona'an pakai'annyo obai tontainyo io co bopakaian. Lalu, io torojutn ko ara'i, bononang ko pantai.