Yohanes 20:19 - Porjanjian Boharu Torjomahan Baso Dilakng Soari-ari

¹⁹ Pas ari udah malapam watu ari Minggu nantai, boko murid Yesus bokumpul di sobuah rumah. Sia' monyongkal boko lawakngnyo obai sia' gola' agatn boko pomimpitn urakng Yahudi. Sopongirap, Yesus datakng, bodiritn di tongah-tongah sia'. Kato-Nyo, “Sonang-asau pakai' kaitn!”

Yohanes 20:19 ပူးပေါင်းရင်းမြစ်များ

Yohanes 20:26

Sominggu lopas nantai, boko murid Yesus bokumpul agi' di rumah nantai. Kali nintai, ado Tomas bosamo agatn sia'. Sia' monyongkal boko lawakngnyo samo sama'an komai jam. Kali labuh, Yesus datakng agi', bodiritn di tongah-tongah sia'. Kato-Nyo, “Sonang-asau pakai' kaitn!”

Yohanes 14:27

Timpu watu Aku botula', Aku moonji'i sonang-asau-Ku ko kaitn. Sonang-asau-Ku inyo Aku onju' ko kaitn, bukainyo sama'an ponyaman inyo dunia onju'. Jadi jangan golisah. Jangan gola'.

Yohanes 20:21

Sokali agi', Yesus bopandir ko sia', “Sonang-asau pakai' kaitn!” Samo sama'an Bopai-Ku moutus Aku, ubo nian jam Aku moutus kaitn.

Efesus 2:14

Sio nam inyo mombulah kito bodamai. Komainyo urakng Yahudi bokonjahatan agatn urakng bukainyo Yahudi. Apo Kristus mombulah somuo kito inyo pocayo doi' duo pihak nantai monjadi satu umant. Umpamonyo Sio morobahan tembok inyo momisahan kito.

2 Tesalonika 3:16

Ni'inan koi bodoa ko Tuhatn Yesus inyo moonji'i kito sonang-asau. Koi bodoa oca' dalapm somuo hal Sio hala moonji'i kaitn sonang-asau. Koi bodoa oca' Sio pan hala monyoroto'i kaitn somuo.

Yohanes 7:13

Apo, conyiant ado urakng inyo borani bopandir torakng-torakan mongona'i Sio obai sia' gola' agatn boko pomimpitn agama Yahudi.

Markus 16:14

Koponsuahannyo, Yesus moniant'an diri kosobolas murid-Nyo timpu sia' tongahan makatn. Sio monogur sia' obai hati sia' koras, sia' kinyo pocayo ko boko urakng inyo udah moniant Sio bobali' hidup.

Wahyu 1:4

Ko kotujuh jomaat di doerah Asia. Doi' aku, Yohanes. Aku bodoa oca' kaitn monorima' koboi'an ongko sonang-asau doi' Allah, inyo ado watu ni'in, inyo udah ado doi' joman komai, huatan inyo ado sotorusnyo. Ongko doi' kotujuh roh inyo ado di hadapan tahta-Nyo.

1 Korintus 15:5

Lopas nian Sio moniant'an diri Sio ko rasul Petrus, ongko ko koduo bolas rasul-Nyo.

Yohanes 16:33

Aku momadahan somuonyo nantai ko kaitn oca' hati kaitn ado sonang-asau obai kaitn bosatu agatn Aku. Kaitn paca'an mondorita' di dunia ni'in. Apo, pontokuhancam hati kaitn! Aku udah mongalahan kuaso di dunia ni'in!”

Ibrani 7:2

Lopas nantai, Abrahapm moonju' ko Melkisedek populuhan doi' somuo bando barakng inyo dirampas io watu boparakng nantai. Damo Melkisedek potamo-tamo boroti ‘rajo inyo bulah inyo bondar’. Ongko damo bukainyo ia'an ‘rajo inyo mombaba' sonang-asau’ obai io ia'an rajo Salem huatan Salem rotinyo ‘sonang-asau’.

Filipi 1:2

Aku bodoa oca' Allah Bopai kito ongko Tuhatn Yesus Kristus monunju'an kasih karunia ongko moonji'i sonang-asau ko kaitn.

Efesus 6:23

Boko somadikan, aku bodoa oca' Allah Bopai ongko Tuhatn Yesus Kristus moonji'i sonang-asau ko kaitn huatan mombulah kaitn mongkitn mongasihi huatan mongkitn pocayo ko Sio.

Roma 15:33

Aku bodoa oca' Allah hala ado bosamo agatn kaitn somuo, ia'an nantai Allah inyo moonji'i sonang-nyamanam. Amin.

Yohanes 16:22

Ubo nian jam agatn kaitn. Watu ni'in kaitn salu'. Apo Aku paca'an botomu agi' agatn kaitn. Timpu nantai, hati kaitn paca'an sonang. Conyiant ado siku' urakng pan inyo ulih monguti' kosonangan kaitn nantai.

Matius 18:20

Obai, aman ado duo ongko tigo urakng bokumpul obai pocayo ko Aku, ongko Aku pan ado di tongah-tongah sia'.”

Matius 10:13

Aman sia' honda' monorima' salapm sonang-asau nantai, Allah bondar-bondar paca'an bulah koluarga nantai sonang-asau. Apo, aman sia' kinyo honda' monorima'nyo, sonang-asau nantai paca'an bobali' ko kaitn.

Yohanes 21:1

Boboropo ari lopas nantai, Yesus moniant'an diri-Nyo agi' ko boko murid-Nyo. Nantai tojadi di pantai danau Tiberias. Ubo ni'inan kisahnyo:

Yohanes 21:14

Nantaiam kotigo kalinyo Yesus moniant'an diri-Nyo ko boko murid-Nyo lopas Sio bobali' hidup agi'.

3 Yohanes 1:14

Aku boharap co manah agi' aku ulih monjongu' kolai lalu kito ulih bopandir bohadapan.