Yohanes 20:17 - Porjanjian Boharu Torjomahan Baso Dilakng Soari-ari

¹⁷ Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Yohanes 20:17 ပူးပေါင်းရင်းမြစ်များ

Matius 12:50

Somuo urakng inyo molabuhan kohonda' Allah Bopai-Ku di sorugo ia'an indaiku huatan boko somadikan-Ku.”

Matius 25:40

Rajo nantai, paca'an monimbas sia', ‘Pondinga'ancam! Watu kaitn molabuhan boko hal sama'an nantai pakai' salah siku' urakng doi' somadikan-Ku inyo kotakan jaro ni'in, nantai samo sama'an kaitn molabuhan boko hal nantai pakai' Aku.’

Matius 28:7

Watu ni'in, kaitn hagarcam botula' ko boko murid-Nyo. Pandiran ko sia' obai Sio udah bobali' hidup doi' komatian. Dinga'anbo! Sio paca'an botula' lobih doholu doi' kaitn ko doerah Galilea. Kaitn paca'an moniant Sio di su'utn. Dinga'ancam borito inyo udah ku sampaian ko kaitn ni'in!”

Markus 12:26

Hal mongona'i boko urakng hidup agi' doi' komatian ado di dalapm Buku Suci inyo ditulis Musa. Watu Allah bopandir agatn Musa doi' dalapm rado momant inyo sama'an api bonyalo, Allah bopandir, ‘Aku ninam Allah inyo disombah Abrahapm, Ishak, ongko Yakub.’

Markus 16:19

Lopas Tuhatn Yesus momandiran nantai ko sia', Sio noi' ko sorugo. Di su'utn Sio dudu' momorintah di tompat inyo tohormat di sopia' kanan Allah.

Lukas 10:4

Jangan mombaba' dompet, tas, sandal ponggonti. Dalapm pojalatan kaitn, jangan mombuakng-buakng watu agatn hala botongga' monyapo huatan bogolaga'.

Yohanes 13:1

Sobolupm Ari Rayo Paskah, Yesus udah tohu obai udah datakng watu-Nyo pakai' Sio moninggalan dunia ni'in lalu bobali' ko Allah Bopai. Yesus mongasihi kolompok urakng di dunia inyo monjadi umputn-Nyo. Sio hala mongasihi sia' sampai ari toahir Sio ado di dunia.

Yohanes 13:3

Apo, Yesus tohu obai Allah Bopai udah monyorahan somuo kuaso ko Io. Sio tohu jam obai Sio datakng doi' Allah huatan paca'an bobali' ko Sio jam.

Yohanes 14:2

Ado banya' kodiapan di rumah Bopai-Ku. Aku holuam botula' ko su'utn pakai' monyiap'an tompat bodiapm pakai' kaitn. Aman hal nantai kinyo bondar, co mungkitn Aku monjanjian hal inyo sama'an nantai ko kaitn.

Yohanes 14:28

Kaitn udah mondinga' Aku bopandir ko kaitn obai Aku paca'an botula' apo Aku paca'an bobali'mo ko kaitn. Aman kaitn mongasihi Aku, kohonda'nyo kaitn rindakng obai Aku botula' ko Bopai-Ku. Kohonda'nyo kaitn rindakng mongona'i nantai obai Bopai lobih bokuaso daripado Aku.

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 16:28

Aku boasal doi' Bopai huatan datakng ko dalapm dunia. Apo, sobontar agi', Aku moninggalan dunia ni'in lalu bobali' ko Bopai.”

Yohanes 17:11

Sobontar agi' Aku paca'an datakng bobali' ko Duatn. Aku co paca'an ado di dalapm dunia. Apo sia' ija' ado di dalapm dunia ni'in. Oi Bopai-Ku inyo Suci, lindukicam sia' agatn kuaso dalapm damo Duatn, ia'an damo inyo Duatn udah onju' ko Aku. Lindukicam sia' oca' sia' bosatu, samo sama'an Duatn agatn Aku siku'mo.

Yohanes 17:25

Oi Bopai inyo hala molabuhan inyo bondar. Memang boko urakng dunia co mongonal Duatn. Apo Aku mongonal Duatn ongko sia' ni'in tohu obai Duatn inyo udah moutus Aku.

Yohanes 17:5

Watu ni'in, oi Bopai, pulahcam Aku monjadi mulia agi' bosamo agatn Duatn di sorugo, samo sama'an komai watu Aku mulia bosamo agatn Duatn sobolupm dunia ni'in dipulah.”

Yohanes 20:27

Lalu, Sio bopandir ko Tomas, “Tiatbo jari-Ku. Gahapan jari kolai di si'itn. Uluran longan kolai, huatan gahapam di porut-Ku. Jangan gangga'-gua'an agi' apo pocayocam!”

Yohanes 7:33

Jadi, Yesus bopandir ko urakng banya', “Ija' sobontar cam Aku bosamo agatn kaitn. Lopas jadi nantai, Aku paca'an bobali' ko Sio inyo moutus Aku.

Roma 8:29

Doi' komai, Allah udah tohu sopo inyo tajahan dipilih Sio. Doi' komai, Sio pan udah momutusan oca' sia' monjadi sorupo agatn Ana'-Nyo, Yesus. Agatn ubo nantai, Yesus monjadi Ana'-Nyo inyo potamo di antaro banya' somadikan.

2 Korintus 6:18

Aku tajahan monjadi Bopai kaitn. Kaitn tajahan monjadi boko ana'-Ku, inyo lolaki huatan botina'.” Sama'an nianam pomandiran Tuhatn Allah, Inyo Kotakan bokuaso.

Galatia 3:26

Kaitn udah monjadi poana'an Allah obai kaitn pocayo ko Yesus Kristus.

Ibrani 11:16

Apo sobondarnyo, sia' togonangan nogori inyo lobih boi', ia'an nantai sorugo. Obai nantai, Allah kinyo malu disobut Allah sia' obai Sio udah monyiap'an sobuah kota pakai' sia'.

Ibrani 8:10

Apo lopas watu nantai, sama'an ni'inan pojanjian inyo paca'an Aku pulah agatn umant Israel: Aku paca'an molota'an boko porintah-Ku dalapm pikiran sia'. Aku paca'an monulisnyo dalapm hati sia'. Aku paca'an monjadi Allah sia'. Sia' paca'an monjadi umant-Ku.

1 Petrus 1:3

Topujicam Allah, ia'an Bopai doi' Yesus Kristus, Tuhatn kito. Allah udah monunju'an koboi'an-Nyo inyo luar biaso ko kito agatn caro ni'in: Sio bulah Yesus Kristus hidup agi' doi' antaro urakng mati. Molalu'i nantai, Sio moonju' kohidupan boharu ko kito samo sama'an kito hoyu' lahir. Obai nantai, hal ni'in moonji'i kito pongharapan inyo kuat.

1 Yohanes 3:2

Boko somadikanku inyo ku kasihi, watu ni'in kito nam poana'an Allah. Kito co tohu pasti ubo apo Allah morubah kito nononyo. Apo kito tohu ni'inan: timpu Kristus datakng agi', kito paca'an monjadi samo sama'an Sio obai kito moniant Sio dalapm koadaan-Nyo inyo sobondarnyo

Wahyu 21:3

Lalu aku mondinga' saro inyo borakng doi' tahta nantai. Katonyo, “Tiatcam! Kodiapan Allah ado di tongah-tongah monsio. Sio paca'an bodiapm bosamo agatn sia'. Sia' paca'an monjadi umat-Nyo. Sio siku' paca'an monyoroto'i sia', monjadi Allah sia'.

Wahyu 21:7

Sotiap urakng inyo monang paca'an monorima' somuonyo nantai. Aku paca'an monjadi Allahnyo. Sio paca'an monjadi ana'-Ku.