Yohanes 20:15 - Porjanjian Boharu Torjomahan Baso Dilakng Soari-ari

¹⁵ Kato Yesus ko io, “Mapo kolai monangis? Kolai monggoyapi sopo?” Maria pikir urakng nantai urakng inyo bokorojo di kobutn nantai. Jadi, Maria bopandir, “Bopai, aman Duatn momindahan bangkai-Nyo doi' si'itn, tulukng padahan ko aku di mono Kolai molota'an-Nyo oca' aku monguti'-Nyo, mombaba'-Nyo ko si'itan.”

Yohanes 20:15 ပူးပေါင်းရင်းမြစ်များ

Yohanes 20:13

Kato boko molekat nantai, “Mapo kolai monangis?” Timbas Maria, “Bangkai Tuhatnku udah dikuti'. Cuku tohu di mono Sio dilota'an.”

Yohanes 18:7

Yesus botakutn sokali agi' ko sia', “Kaitn monggoyapi sopo?” Kato sia', “Koi monggoyapi Yesus doi' laman Nazaret.”

Yohanes 1:38

Yesus mongilikng ko bolikat, moniant sia' tuyut Sio. Kato-Nyo ko sia', “Kaitn bogoyap la'apo?” Kato sia' ko Sio, “Rabi, Duatn diapm di mono?” ‘Rabi’ rotinyo ‘Guru’.

Markus 16:6

Apo urakng bujakng nantai, bopandir agatn sia', “Jangan gola'! Aku tohu kaitn monggoyapi Yesus, urakng doi' laman Nazaret, inyo udah mati di kayu salib. Sio conyiant di si'itn. Sio udah bobali' hidup! Huncapm, porotian cam tompat bangkai-Nyo inyo diulit'an tontainyo.

Matius 28:5

Apo molekat nantai bopandir ko boko botina' nantai, “Jangan gola'! Aku tohu kaitn monggoyapi Yesus inyo udah dihukupm mati di kayu salib.

Yohanes 18:4

Apo, Yesus udah mongotohu'i boko hal inyo paca'an tojadi tohadap diri-Nyo. Jadi, Sio mohampiki sia', lalu botakutn, “Kaitn monggoyapi sopo?”

Lukas 24:5

Sia' kotakng gola', lalu monyungkapan sampai ko tanah obai hormat. Apo koduo urakng nantai bopandir ko sia', “Padohan monggoyapi urakng inyo udah bobali' hidup di antaro urakng mati.

Matius 12:34

Uai kaitn urakng Farisi inyo jahat huatan licik sama'an ular biso! Kinyo mungkitn kaitn momandiran boko hal inyo boi' obai kaitn jahat. Obai, boko pomandiran inyo koluar doi' mulut urakng, koluar doi' dalapm hati urakng nantai.

Lukas 2:44

Sia' bojalatn torus obai bopikir Yesus ado di antaro rombokan inyo bojalatn sosamo agatn sia'. Udah tumbas ari sia' bojalatn, hoyu' monggoyapi Yesus di antaro boko koluarga ongko pokawalan sia'.