Yohanes 2:21 - Porjanjian Boharu Torjomahan Baso Dilakng Soari-ari

²¹ Apo Yesus co bomasud Rumah Allah nantai. Agatn pomandiran ‘Rumah Allah’, masud Sio bukakng-Nyo siku'.

Yohanes 2:21 ပူးပေါင်းရင်းမြစ်များ

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 2:22

Boko murid-Nyo toingant pomandiran-Nyo nantai lopas jadi Sio hidup agi' doi' komatian. Jadi, sia' pocayo ko somuo pomandiran inyo totulis di Buku Suci huatan ko somuo pomandiran Yesus.

1 Korintus 3:16

Inyo gola' kaitn kotohu'i kaitn samo sama'an Rumah Allah huatan Roh Allah bodiapm di antaro kaitn somuo.

1 Korintus 6:19

Co tohu bai kaitn aman bukakng-tubuh kaitn masikng-masikng samo sama'an rumah pakai' Roh Allah. Huatan Roh Allah udah moonji'i Roh-Nyo pakai' bodiapm dalapm kaitn. Rotinyo kaitn bukai umputn kaitn siku' agi'.

2 Korintus 6:16

Co mungkitn Rumah Allah bohubukan agatn berhala. Allah hala ada'an di antaro kito. Jadi, kito samo sama'an Rumah umputn Allah inyo hidup. Samo sama'an pandir Allah inyo ditulis di Buku Suci, “Aku tajahan diapm di antaro sia'. Aku tajahan hidup bosamo-samo agatn sia'. Aku tajahan monjadi Allah sia'. Sia' tajahan monjadi umant-Ku.”

Kolose 1:19

Obai, somuo sipat huatan kuaso Allah ado di dalapm diri Kristus. Allah siku'mo inyo mongohonda'i nantai.

Kolose 2:9

Obai, Allah ado soponuhnyo di dalapm diri Kristus.

Ibrani 8:2

Sio nam Imam Agukng inyo molayati di Ruakng Maho Suci, ia'an di potungguan inyo sojatinyo dipulah Tuhatn bukainyo dipulah monsio.