Yohanes 2:18 - Porjanjian Boharu Torjomahan Baso Dilakng Soari-ari

¹⁸ Boko pomimpitn agama Yahudi inyo ado di santai molawatn Yesus. Kato sia', “Butianbo aman Duatn ado hak pakai' molabuhan hal inyo ubo hoyu' Duatn labuhan nantai. Cubo Duatn mombulah mujisat oca' ado tando pakai' koi!”

Yohanes 2:18 ပူးပေါင်းရင်းမြစ်များ

Matius 21:23

Lopas nantai, Yesus mansu' ko tongahlamanan Rumah Allah lalu mongajar di santai. Watu nantai, boko imam kopala' ongko boko pomimpitn banso Yahudi datakng ko Sio. Kato sia', “La'apo hak Duatn molabuhan nantai somuo? Sopo inyo moonji'i kuaso nantai ko Duatn?”

Markus 8:11

Lopasnyo boko pomimpitn agama Yahudi doi' kolompok Farisi datakng ko Yesus. Sia' bosoal jawab agatn Sio, ongko honda' mouji Sio. Huatan, sia' minto oca' Yesus mombulah mujisat pakai' mombutian ko sia' obai kuaso-Nyo nantai doi' Allah.

Lukas 11:29

Watu boko urakng mongkitn banya' datakng ko tompat Yesus mongajar, Sio bopandir, “Kotakng jahat bondar boko urakng joman ni'in. Sia' monuntut Aku oca' bulah koajaiban inyo mombutian Allah moutus Aku. Apo sobuti' mo buti inyo paca'an Ku onju' ko sia', ia'an koajaiban Nabi Yunus.

Yohanes 1:19

Watu nantai urakng Yahudi doi' Yerusalem mongiripm boboropo imam ongko boko urakng doi' suku Lewi. Sia' disiuh botula' ko Yohanes pakai' botakutn, “Sopo kironyo duatn ni'in?” Huatan ni'in inyo dipadahan Yohanes ko sia'.

Yohanes 1:25

Sia' botakutn ko io, “Duatn momadahan duatn bukainyo Kristus, bukainyo Nabi Elia, bukainyo Nabi inyo koi tantian. Amannyo ubo nian, mapo duatn mombaptis boko urakng?”.

Yohanes 6:30

Kato sia' ko Sio, “Tando mujisat la'apo inyo paca'an Duatn pulah oca' koi ulih moniant lalu pocayo ko Duatn? Aman angki-bayatn kito, sia' ulih bopua' manna di padakng pasir. Samo sama'an inyo udah totulis di Buku Suci, ‘Sia' dionji'i-Nyo pomakatn roti doi' sorugo.’ Jadi, tando mujisat la'apo inyo paca'an Duatn korojoan?”

Kisah Boko Rasul 4:7

Somuo pomimpitn nantai monyiuh oca' Petrus agatn Yohanes dibaba' ongko bodiritn di hadapan sia'. Sia' monakutan, “La'apo inyo kaitn duo labuhan? Kaitn duo pakai kuaso sopo sampai urakng lumpuh nantai nyamanam?”

Kisah Boko Rasul 5:28

“Koi udah morarakng kaitn agatn koras oca' kinyo dilabuhan agi' mongajar ajaran Urakng Nazaret nantai. Apo kaitn kinyo monuruti porintah nantai. Obai nantai, somuo urakng di Yerusalem udah mondinga' ajaran kaitn. Kaitn pan honda' monyalahan koi obai komatian Urakng Nazaret nantai.”