Yohanes 2:16 - Porjanjian Boharu Torjomahan Baso Dilakng Soari-ari

¹⁶ Sio pan bopandir ko boko urakng inyo monjual burukng daro nantai. Kato-Nyo, “Koluarancam somuo burukng ni'in. Rumah Bopai-Ku Jangan dipulah monjadi rumah tompat bodagakng!”

Yohanes 2:16 ပူးပေါင်းရင်းမြစ်များ

Matius 21:12

Lalu Yesus mansu' ko tongahlamanan Rumah Allah. Sio monundukng somuo urakng inyo bojual-boli di tompat nantai. Sio mombali'an boko meja inyo dipakai ulih boko ponyambian duit. Sio morobahan boko bangku inyo dipakai ulih boko ponjual posombahan burukng daro.

Matius 21:13

Kato-Nyo ko sia', “Pomandiran Allah totulis dalapm buku Suci: ‘Rumah-Ku ia'an rumah pakai' bodoa.’ Apo kaitn monjadiannyo samo sama'an sayakng ponyamun!”

Matius 22:5

Apo boko urakng inyo dihundakng nantai totap co moolikannyo. Ado inyo botula' ko lakaunyo. Ado inyo botula' mourus usahanyo.

Markus 11:17

Lalu, Sio mongajar sia'. Kato-Nyo, “Pomandiran Allah totulis dalapm Buku Suci: ‘Rumah-Ku ia'an rumah pakai' bodoa pakai' somuo banso.’ Apo kaitn monjadiannyo sama'an sayakng ponyamun!”

Lukas 2:49

Timbas Yesus ko sia', “Kaitn duo jangan kuatir monggoyapi Aku, obai sobondarnyo kaitn udah tohu Aku gola' ado di dalapm Rumah Bopai-Ku ni'in!”

Yohanes 10:29

Bopai-Ku inyo moonju' sia' ko aku. Sio lobih bokuaso daripado sopo pan. Jadi, conyiant siku' urakng pan inyo ulih morobut sia' doi' jari-Nyo.

Yohanes 2:15

Jadi, Sio bulah sobuti' pohombat doi' tali lalu mousir somuo sia' nantai doi' Rumah Allah, tomansu' somuo domba ongko sapi sia'. Sio pan botikapm tikapan boko meja inyo dipakai boko urakng inyo mohurupan duit. Jadi, duit sia' dihambur ko mono-mono.

Yohanes 20:17

Kato Yesus ko io, “Jangan moncanggapm Aku obai Aku bolupm noi' ko Bopai. Apo, botula'cam ko boko somadikan-Ku. Padahan ko sia' obai ni'in Aku paca'an botula' ko Bopai-Ku, Sio pan Bopai kaitn jam. Sio nam Allah-Ku huatan Allah kaitn jam.”

Yohanes 5:17

Apo Sio bopandir agatn sia', “Sampai watu ni'in, Bopai-Ku kinyo botongga' bokorojo. Sama'an nian jam, Aku pan bokorojo jam.”

Yohanes 8:49

Timbas Yesus, “Aku cuku korasu'an sitatn. Apo Aku mohormati Bopai-Ku huatan kaitn co mohormati Aku.

1 Timotius 6:5

Sia' hala botikakng co nyiant kotuntukannyo. Pikiran sia' udah rusa' sampai sia' co ulih agi' monyongkayoan inyo salah huatan inyo bondar. Sia' bopikir, aman sia' molabuhan ajaran agama mondatakan kodampuan.

2 Petrus 2:3

Obai boko guru palsu nantai tama', jadi sia' paca'an bousaha moncari' untukng doi' kaitn agatn boko kisah inyo dipulah-pulah sia'. Apo, Allah udah manaham siap mohukupm sia'. Kinyo manah agi' sia' tajahan bonaso.