Yohanes 2:12 - Porjanjian Boharu Torjomahan Baso Dilakng Soari-ari

¹² Lopas jadi nantai, Yesus botula' ko kota Kapernaum bosamo-samo agatn indai-Nyo, boko somadikan-Nyo huatan boko murid-Nyo. Sia' diapm di santai bayo boboropo ari mo.

Yohanes 2:12 ပူးပေါင်းရင်းမြစ်များ

Matius 11:23

Huatan kaitn inyo di laman Kapernaum. Jangan bopikir kaitn paca'an dihormati huatan paca'an mansu' sorugo! Kaitn paca'an dibuakan ko noraka! Obai Aku udah bulah boko mujisat di tongah-tongah kaitn. Soumpamonyo, Aku molabuhan boko mujisat di kota Sodom, pasti boko urakng di su'utn botongga' bulah dosa. Ongko, kota nantai kinyo gola' dihancuran sama'an inyo udah tojadi timpu joman komai. Soumpamonyo ubo nian, kota nantai tontu ija' bodiritn sampai ari ni'in.

Matius 12:46

Pontongahan Yesus ija' bopandir agatn urakng banya' nantai, datakam indai agatn boko somadikan-Nyo. Sia' bodiritn di luar, honda' botomu Sio apo co ulih.

Matius 4:13

Apo, Sio co bodiapm di kota Nazaret agi'. Sio pindah ko kota Kapernaum di pinggir danau Galilea di doerah Zebulon ongko Naftali.

Yohanes 2:2

Yesus huatan boko murid-Nyo dihundakng jam ko pogai kawitn nantai.

Yohanes 4:46

Di doerah Galilea nantai, Yesus botula' agi' ko laman Kana, tompat Sio bulah mujisat morubah ara'i monjadi anggur. Di kota bukai, ia'an nantai Kapernaum, ado siku' pogawai inyo bokorojo di istana. Ana' lolakinyo tongahan sakit kuat.

Yohanes 6:17

lalu jumpat ko dalapm porohu. Sia' monyomborakng danau nantai monuju ko kota Kapernaum. Ari udah potakng am apo Yesus bolupm datakng jam ko sia'.

1 Korintus 9:5

Rasul Petrus, boko somadikan Tuhatn Yesus, huatan boko rasul bukai mombaba' bini sia' inyo pocayo dalapm pojalatan polayatan sia'. Tontunyo koi pan bohak molabuhan nantai!

Galatia 1:19

Timpu nantai aku co botomu agatn boko rasul inyo bukai kocuali Yakobus, somadikan Tuhatn Yesus.