Yohanes 2:11 - Porjanjian Boharu Torjomahan Baso Dilakng Soari-ari

¹¹ Yesus molabuhan mujisat nantai di laman Kana di propinsi Galilea. Nantai inyo potamo doi' somuo tando inyo monunju'an sopo Sio sobondarnyo. Agatn tando nantai, Yesus monunju'an komulia'an-Nyo. Lalu, boko murid-Nyo pocayo ko Sio.

Yohanes 2:11 ပူးပေါင်းရင်းမြစ်များ

Yohanes 1:14

Pandir Allah nantai udah monjadi siku' monsio. Sio diapm di antaro kito. Huatan kito udah moniant komulia'an-Nyo. Ia'an, komulia'an-Nyo sobagai Ana' tunggal doi' Allah Bopai. Sio monunju'an ko kito somuo koboi'an Allah huatan somuo inyo bondar mongona'i Allah.

Yohanes 3:2

Watu malapm, io datakng ko Yesus. Katonyo, “Guru, koi tohu obai Duatn ninam guru inyo diutus Allah. Obai, Duatn molabuhan boko mujisat nantai. Conyiant urakng inyo mampu molabuhan lou' sama'an nantai aman co ado potulukan doi' Allah.”

Yohanes 6:2

Banya' urakng hala tuyut Sio, obai sia' moniant boko mujisat-Nyo monyamani boko urakng sakit.

Yohanes 6:30

Kato sia' ko Sio, “Tando mujisat la'apo inyo paca'an Duatn pulah oca' koi ulih moniant lalu pocayo ko Duatn? Aman angki-bayatn kito, sia' ulih bopua' manna di padakng pasir. Samo sama'an inyo udah totulis di Buku Suci, ‘Sia' dionji'i-Nyo pomakatn roti doi' sorugo.’ Jadi, tando mujisat la'apo inyo paca'an Duatn korojoan?”

Yohanes 6:26

Kato Yesus ko sia', “Pondinga'anbo bobondar inyo Ku pandiran ni'in: Kaitn monggoyapi Aku bukainyo obai kaitn ngoroti masud doi' boko mujisat. Apo kaitn monggoyapi Aku obai kaitn udah makatn roti nantai sampai konyang.

Yohanes 6:14

Pas boko urakng nantai moniant mujisat inyo udah dipulah Yesus, sia' bopandir, “Pasti Sio ninam Nabi inyo koi tantian paca'an datakng ko dunia!”

2 Korintus 4:17

Pondorita'an inyo koi hadapi watu ni'in bayo somontaromo. Apo hasilnyo koi mondapat'an borokat inyo somanah-manahnyo. Jadi, pondorita'an nantai lompukngmo dibandikan agatn borokat nantai inyo jouh lobih bosar doi' la'apo pan.

Yohanes 14:13

lalu Aku paca'an molabuhan apo saja' inyo kaitn pinto dalapm damo-Ku. Aku paca'an molabuhannyo, oca' Aku ulih monunju'an obai Bopai Ku mulia

Yohanes 12:41

Yesaya bopandir sama'an nantai obai io udah moniant komulia'an Yesus. Ongko, io monulis mongona'i Yesus.

Yohanes 12:37

Boko urakng moniant Yesus mombulah banya' mujisat. Apo banya' doi' sia' totap co pocayo ko Sio.

Yohanes 2:23

Somanah Pogai Paskah nantai dirayoan, Yesus ada'an di Yerusalem. Sio mombulah boko mujisat sobagai tando inyo monunju'an sopo Sio sobondarnyo. Jadi, banya' urakng pocayo ko Sio obai sia' moniant boko mujisat-Nyo nantai.

Yohanes 1:50

Yesus bopandir, “Kolai mondinga' Aku bopandir obai Aku moniant kolai di babah kayu ara nantai. Kata'an obai nantaiam kolai monjadi pocayo ko aku ni'in? Kolai paca'an moniant boko hal inyo lobih bosar doi' boko nantai!”

1 Yohanes 5:13

Aku monulis surat ni'in ko kaitn inyo pocayo ko damo Ana' Allah. Ku tulis oca' kaitn tohu obai kaitn udah bodapat kohidupan kokal.

Yohanes 4:46

Di doerah Galilea nantai, Yesus botula' agi' ko laman Kana, tompat Sio bulah mujisat morubah ara'i monjadi anggur. Di kota bukai, ia'an nantai Kapernaum, ado siku' pogawai inyo bokorojo di istana. Ana' lolakinyo tongahan sakit kuat.

Yohanes 5:23

Bopai molabuhan nantai oca' somuo urakng mohormati Ana' samo sama'an sia' mohormati Sio. Sopo ja' inyo co mohormati Ana', boroti io kinyo mohormati Allah Bopai inyo moutus-Nyo.

2 Korintus 4:6

Obai, Allah inyo bopandir, “Kohonda'nyo ado torakng inyo bocohayo doi' kogolapan!” Sio jam inyo mombulah torakng bocohayo di dalapm hati kito. Ia'an, Sio mombulah oca' kito ngoroti agatn hal ni'in: Komulia'an Allah dapat ditiat di dalapm muho Kristus.

2 Korintus 3:18

Somuo kito inyo di bimbikng Roh Tuhatn, Sio torus-monorus morubah kito monjadi mongkitn samo agatn Sio. Jadi, kohidupan kito monunju'an obai Tuhatn mulia, samo sama'an mato-muho kito co ditutupi koitn ponutup nantai.

Yohanes 11:15

Apo Aku sonang obai Aku conyiant di su'utan. Obai, lobih boi' pakai' kaitn, oca' kaitn lobih pocayo. Hincapm kito botula' ninam ko Lazarus.”

Yohanes 1:17

Allah moonju' porintah ongko poraturan-Nyo di buku Hukupm Torat molalu'i Musa. Apo Allah moonju' koboi'an-Nyo ongko kobondaran-Nyo molalu'i Yesus Kristus.

Yohanes 1:43

Kohobu'annyo, Yesus momutusan pakai' botula' ko doerah Galilea. Sio botomu agatn Filipus. Kato-Nyo ko Filipus, “Hincapm monjadi murid-Ku!”

Yohanes 2:1

Kotigo arinyo, ado pogai kawitn di laman Kana di propinsi Galilea. Indai Yesus ado di santai.

Yohanes 4:3

Watu Yesus mongotohu'i obai boko urakng Farisi mondinga' borito nantai, lalu Sio botula' doi' doerah Yudea nantai lalu botula' ko doerah Galilea.

Yohanes 4:54

Jadi, nianam mujisat koduo inyo Yesus pulah di doerah Galilea. Samo sama'an mujisat potamo, Sio bulah mujisat ni'in lopas Sio datakng doi' doerah Yudea.

Yohanes 7:31

Apo, di antaro urakng banya' nantai ado banya' jam inyo pocayo ko Yesus. Kato sia', “Aman Kristus datakng nononyo, apo ulih bai Io bulah mujisat lobih doi' Urakng ni'in?”

Yohanes 9:16

Sobagi'an doi' kolompok urakng Farisi nantai bopandir, “Urakng nantai co datakng doi' Allah. Obai, Sio co monaati Ari Sabat.” Apo inyo bukai bopandir, “Co mungkitn siku' urakng bodosa tohu bulah boko mujisat samo sama'an inyo udah Sio pulah!” Jadi ado posolisihan di antaro sia'.

Yohanes 10:41

Boko urakng datakng ko Sio. Kato sia', “Yohanes co bulah sobuti' pan mujisat. Apo, somuo inyo Yohanes pandiran mongona'i Urakng ni'in memang bondar.”

Yohanes 11:47

Jadi, boko urakng Farisi nantai bosamo agatn boko imam kopala' monggoyapi Majelis agama Yahudi pakai' bohoupm. Kato sia', “La'apo inyo gola' kito labuhan agatn Urakng nian? Obai, Sio bulah banya' mujisat.

Yohanes 12:18

Hal nantaiam mombulah boko urakng datakng mohimpa'i Yesus, obai sia' mondinga' Sio nantaiam mombulah mujisat nantai.

Yohanes 16:27

Sio paca'an mondinga'an kaitn obai Sio siku' mongasihi kaitn. Sio mongasihi kaitn obai kaitn mongasihi Aku huatan pocayo obai Aku datakng doi' Allah.

Yohanes 16:30

Watu ni'in, koi tohu obai Duatn mongotohu'i boko la'apo pan. Duatn co pontikng urakng monakutan la'apo pan ko Duatn obai Duatn udah tohu. Obai nantai, koi pocayo obai Duatn datakng doi' Allah.”