Yohanes 19:9 - Porjanjian Boharu Torjomahan Baso Dilakng Soari-ari

⁹ Jadi, io mansu' agi' ko dalapm istana. Lopas Yesus dibaba' mansu' jam, Pilatus botakutn ko Sio, “Kolai boasal doi' mono?” Apo Yesus co monimbasi.

Yohanes 19:9 ပူးပေါင်းရင်းမြစ်များ

Matius 26:63

Apo Yesus bodiapm mo. Lalu Imam Agukng nantai botakutn agi', “Demi Allah inyo hidup, aku monyiuh Duatn pakai' monimbas koi. Kata'an Duatn Rajo inyo Dijanjian Allah inyo kito sobut ‘Mesias’? Kata'an Duatn Ana' Allah ai?”

Matius 27:27

Lopas nian boko projurit Pilatus nantai mombaba' Yesus ko istana gubernur. Sia' moningkau soluruh pasukan pakai' bokumpul mongoliliki Yesus.

Lukas 23:9

Ongko, Herodes banyaꞌ botakutn ko Yesus, apo Yesus co monimbasi samo sokali.

Yohanes 18:28

Sunsukng pukau, boko sia' urakng Yahudi nantai mombaba' Yesus doi' rumah Kayafas ko istana gubernur, pomorintahan Romawi. Sia' co mansu' ko dalapm istana nantai. Sia' co honda' monjadi kotor socaro agama obai sia' honda' jumpat makatn pas Ari Rayo Paskah.

Yohanes 18:33

Pilatus mansu' agi' ko dalapm istananyo lalu monyiuh oca' Yesus dibaba' mansu'. Pilatus botakutn ko Sio, “Kata'an kolai ni'in rajo urakng Yahudi ai?”

Yohanes 18:34

Timbas Yesus, “Potakutan nantai doi' kolai siku', kata'an ado urakng bukai inyo udah momadahan ko kolai mongona'i Aku ai?”

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 19:10

Jadi, Pilatus bopandir ko Sio, “Co Kolai honda' bopandir agatn aku, bai!? Kolai gola' tohu obai aku bokuaso pakai' mombebasan Kolai. Aku pan bokuaso pakai' bulah Kolai dihukupm mati di kayu salib!”

Yohanes 19:8

Pas Pilatus mondinga' pandir nantai, io mongkitn gola' moadili pokaro nantai.

Yohanes 8:14

Yesus monimbasi sia'. Kato-Nyo, “Biar pan Aku bosasi mongona'i diri-Ku sikuꞌ, kosasian-Ku totap bondar. Obai, Aku tohu doi' mono Aku datakng huatan ko mono Aku botula'. Apo kaitn co tohu doi' mono Aku datakng huatan ko mono Aku botula'.

Filipi 1:28

Jangan gola' tohadap boko urakng inyo molawatn kaitn ubo nantai. Nantai monjadi tando bagi sia' obai sia' tajahan bonaso. Nantai jam monjadi tando bagi kaitn obai kaitn tajahan disolamant'an. Somuonyo nantai doi' Allah.