Yohanes 19:42 - Porjanjian Boharu Torjomahan Baso Dilakng Soari-ari

⁴² Sia' gola' hagar momasar Yesus obai ari Sabat hampikam. Jadi, obai pasaran nantai dampikngmo, ongko sia' momasar Yesus di santaiam.

Yohanes 19:42 ပူးပေါင်းရင်းမြစ်များ

Yohanes 19:31

Ari nantai ari Jumat, ia'an nantai ari pakai' posiapan sobolupm ari Sabat. Boko pomimpitn urakng Yahudi kinyo honda' boko bangkai nantai totap ado di kayu salib watu ari Sabat, hususnyo obai ari Sabat watu nantai am Ari Rayo Paskah. Jadi, sia' datakng ko gubernur Pilatus mominto oca' kaki boko urakng nantai dipatahan, oca'nyo copat mati. Lalu, boko bangkainyo hoyu' diturutan sobolupm ari Sabat mula'i watu malapm nantai.

Yohanes 19:14

Watu nantai hampir japm duo bolas tongah ari watu ari Jumat, ia'an ari urakng Yahudi monyodia'an posiapan pakai' Ari Rayo Paskah. Pilatus bopandir ko boko urakng Yahudi nantai, “Tiatbo! Ninam rajo kaitn!”

Yohanes 19:41

Dampikng tompat Yesus disaliban ado kobutn. Di dalapm kobutn nantai ado gua tompat pasaran inyo bolupm kalo dipakai.

Kolose 2:12

Obai watu kaitn dibaptis dalapm damo Yesus, kohidupan kaitn inyo manah nantai udah mati, ubonyo kaitn dipasar bosamo-samo agatn Kristus. Apo kaitn pocayo obai kuaso Allah udah bulah Kristus bobali' hidup doi' komatian. Obai nantai, kaitn pan dionji'i kohidupan inyo boharu.

1 Korintus 15:4

Lalu Sio dipasaram. Apo watu ari kotigo Sio dihidupan agi', sosuai agatn inyo tulisan di Buku Suci.

Kisah Boko Rasul 13:29

Apo sia' co tohu hal nantai. Lopas somuo posatn mongona'i Yesus udah digonapi, sia' monurutan Sio doi' kayu salib. Ongko sia' momasar bangkai-Nyo di dalapm gua batu.

Yohanes 19:20

Banya' urakng Yahudi inyo mombaco tulisan nantai obai tompat Yesus disaliban dampikng kota mo. Solaitn nantai, pomandiran nantai ditulis dalapm baso Ibrani, baso Latin ongko baso Yunani.

Matius 12:40

Yunus ado di dalapm porut ikatn bosar somanah tigo ari tigo malapm. Ubo nian jam Ana' Monsio paca'an di dalapm pasaran somanah tigo ari tigo malapm.