Yohanes 19:38 - Porjanjian Boharu Torjomahan Baso Dilakng Soari-ari

³⁸ Lopas jadi nantai, Yusuf datakng ko gubernur Pilatus minto ijitn pakai' monurutan bangkai Yesus oca' dipasar. (Yusuf nantai boasal doi' kota Arimatea. Io nantai pan murid Yesus, apo kinyo socaro torakng-torakan, obai io gola' agatn boko pomimpitn Yahudi.) Pilatus moijitan io. Jadi, io botula' momocaki bangkai Yesus.

Yohanes 19:38 ပူးပေါင်းရင်းမြစ်များ

Filipi 1:14

Solaitn nantai, watu ku di ponjara, aku monjadi toladatn bagi boko somadikan kito inyo pocayo ko Tuhatn Yesus. Kobanya'an doi' sia' monjadi mongkitn borani momboritoan Kabar Boi'. Sia' co gola' momadahan Pomandiran Allah nantai.

Yohanes 7:13

Apo, conyiant ado urakng inyo borani bopandir torakng-torakan mongona'i Sio obai sia' gola' agatn boko pomimpitn agama Yahudi.

Yohanes 12:42

Biar pan ado banya' urakng inyo co pocayo ko Yesus, apo di antaro pomimpitn banso Yahudi, ado banya' jam inyo pocayo. Apo sia' co borani moaku'i nantai agatn torus torakng obai sia' gola' agatn boko urakng Farisi. Sia' co honda' dirarakng sombayakng agi' di dalapm tompat nantai.

Yohanes 9:22

Urakng tuhonyo bopandir ubo nantai obai sia' gola' agatn boko pomimpitn Yahudi. Obai, boko pomimpitn nantai udah bulah koputusan bosamo-samo, obai sotiap urakng inyo momadahan Yesus nantai Kristus, Rajo Inyo Dijanjian Allah, jadi urakng nian paca'an diusir doi' rumah sombayakng.

Kisah Boko Rasul 13:29

Apo sia' co tohu hal nantai. Lopas somuo posatn mongona'i Yesus udah digonapi, sia' monurutan Sio doi' kayu salib. Ongko sia' momasar bangkai-Nyo di dalapm gua batu.