Yohanes 19:35 - Porjanjian Boharu Torjomahan Baso Dilakng Soari-ari

³⁵ (Urakng inyo momboritoan mongona'i nantai udah moniantnyo agatn mato kopala'nyo siku'. Sio tohu kojadian nantai bondar-bondar tojadi. Io momboritoannyo agatn bondar oca' kaitn pan pocayo).

Yohanes 19:35 ပူးပေါင်းရင်းမြစ်များ

Yohanes 21:24

Murid nantaiam murid inyo momadahan mongona'i somuonyo ni'in. Ionam inyo udah monulisnyo. Kito tohu obai pomandirannyo bondar.

Yohanes 15:27

Kaitn pan gola' bosasi mongona'i Aku obai kaitn udah bosamo agatn Aku doi' mulo polayatan-Ku.

1 Petrus 5:1

Ko somuo ponotua' jomaat di antaro kaitn aku moonju' nosihat ni'in: Aku ninam ponotua' inyo momimpitn kolompok urakng pocayo samo sama'an kaitn. Agatn matoku siku', aku udah moniant Kristus mondorita'. Huatan nononyo Kristus paca'an datakng lalu monunju'an obai Sionam inyo bokuaso. Timpu nantai, aku pan tuyut dapat komulia'an jam. Jadi, aku minto kotakng sangant:

Roma 15:4

La'apo pan inyo ditulis komai dalapm Buku Suci, ditulis pakai' moajari kito. Boko ajaran nantai monguat'an hati kito ongko bulah kito botahatn mohadapi ajab sonsaro. Agatn ubo nantai, kito diajari oca' kito boharap ko Allah.

Kisah Boko Rasul 10:39

Yesus molabuhan polayatan-Nyo di soluruh doerah urakng Yahudi, tomansu' kota Yerusalem. Koi boko rasul-Nyo moniant agatn mato koi siku' somuo polayatan-Nyo nantai. Di kota Yerusalem nantai, boko urakng mombunuh Sio di kayu salib.

Yohanes 20:31

Apo somuo hal inyo ado di si'itn, ditulis oca' kaitn pocayo obai Yesus nam Rajo Inyo Dijanjian Allah, Rajo inyo disobut “Kristus”. Huatan oca' kaitn pocayo obai Yesus nam Ana' Allah. Agatn pocayo nantai, kaitn mondapat'an hidup bosatu agatn Sio.

1 Yohanes 5:13

Aku monulis surat ni'in ko kaitn inyo pocayo ko damo Ana' Allah. Ku tulis oca' kaitn tohu obai kaitn udah bodapat kohidupan kokal.

Yohanes 19:26

Di dampikng indai Yesus ado murid inyo kotakng dikasihi Yesus. Pas Yesus moniant sia' duo, Sio bopandir ko indai-Nyo, “Indai, anggap ja'am io ana' duatn watu ni'in!”

Yohanes 14:29

Aku momadahan hal nantai ko kaitn watu ni'in, sobolupm hal nantai tojadi. Aku molabuhan sama'an nantai oca' watu hal nantai tojadi, kaitn paca'an pocayo.

Yohanes 11:42

Aku tohu Duatn hala mondinga'an Aku. Apo, Aku mongatoan ni'in obai urakng banya' inyo ado di si'itan; oca' sia' pocayo obai Duatn inyo moutus Aku.”

Yohanes 11:15

Apo Aku sonang obai Aku conyiant di su'utan. Obai, lobih boi' pakai' kaitn, oca' kaitn lobih pocayo. Hincapm kito botula' ninam ko Lazarus.”

3 Yohanes 1:12

Mongona'i Demetrius boko urakng mongatoan io nantai urakng boi'. Kohidupan io sikuꞌ inyo monunju'an nantai obai io hidup sosuai agatn ajaran inyo bondar. Koi pan mongatoan io urakng inyo boi'. Ongko kolai tohu obai koi hala momandiran inyo bondar.